بەوێنە: لاوانی نەورۆز بەبردنەوەی لەپێشمەرگەی سلێمانی هیوای بۆ نازناوەكە بۆ گەرایەوە

ناوخۆیی :: 19/06/2019‌ :: 94‌ جار بینراوە
dwarozh


تاگ :: گشتی

دواڕۆژ، ئەردەڵان محەمەد


ركابەریەكانی خولی لاوانی یانەكانی كوردستان تەنها یەكێك هەفتەی ماوە كۆتایی بێت‌و لاوانی نەورۆزیش سەركەوتنێكی گرنگی بەرامبەر پێشمەرگەی سلێمانی بەدەستهێنا بە ئەنجامی (2-1).
لەیەكێك لەیاریەكانی هەفتەی 12ی خولەكە‌و لەیاری دێربی سلێمانیدا ،لاوانی یانەی نەورۆز لەیاریگای خۆی میوانداری پێشمەرگەی سلێمانی كرد.
گێمی یەكەم یانەی نەورۆز باشتر بینران، بەڵام هەردوو یانە بەهێرشكردن دەستیان بەیاری كرد‌و هەرزوو یانەی میوان گۆڵێكیان تۆمار كرد، بەڵام بەبیانوی ئۆفسایدەوە رەتكرایەوە.
دوای ئەو گۆڵە هێرشەكانی نەورۆز دەستی پێكردو لەخولەكی 15 محەمەد دڵشاد گۆڵی یەكەمی تۆمار كرد‌و پەلەكردنی یاریزانەكان نەبوایە گۆڵی زیاتریان تۆمار دەكرد.
پێش تەواو بوونی ئەم گێمەش بەهۆی پێكانەوە یاریزانێكی لاوانی پێشمەرگەی سلێمانی رەوانەی نەخۆشخانە كرا.
هەر لەم گێمەداو لەخولەكی 32لاوانی نەورۆز نەیانتوانی سود لەلێدانێكی سزا ببینن‌و گۆڵچی پێشمەرگەی سلێمانی رێگری لەگۆڵی دووەمی تیپەكەی كرد‌و تۆپەكەی گەراندەوە.
گێمی دووەم بەپێچەوانەوە لاوانی پێشمەرگەی سلێمانی گەرانەوە كەشی یاریەكەو بەهێرشكردن دەستیان بەیاری كرد‌و بەهۆی هێرشەكانیانەوە لەخولەكی 72 یاد عوسمان بەلێدانێكی راستەوخۆی جوان گۆڵی بەرامبەری یاریەكەی تۆمار كردەوە.
یاریەكە بەرەو كۆتایی دەرۆیشت‌و هەردوو یانەش بەگۆڵێك یەكسان بوون، بەڵام لەخولەكی 86 عەبدوڵڵا كرمانج گۆڵی دووەمی لاوانی نەورۆزی تۆمار كرد.

دوای چوار خولەكە كاتی زیاد كراویش ناوبژیوان فیكەی كۆتایی یاریەكەی لێداو بەدوو گۆڵ بەرامبەر بەگۆڵێك ئەنجامەكە بەسودی نەورۆز كۆتایی هات.
محەمەد حەسەن یاریدەدەری راهێنەری لاوانی نەورۆز راگەیاند: لەراستیدا ئێمە لەگێمی یەكەم باشتر بینراین‌و هەر ئەوەش وایكرد گۆڵێك بكەین‌و لێدانێكی سزاش لەدەست بدەین، بەڵام لەگێمی دووەم یاریزانەكانمان گەرانەوە ناو یاریگای خۆیان ئەوەش بووە هۆی فشار خستنە سەرمان‌و گۆڵی بەرامبەریشمان لێ تۆمار كرایەوە، بەڵام توانیمان لەخولەكەكانی كۆتای ئەنجامەكە لەبەرژەوەندی خۆمان یەكلای بكەینەوە، بۆیە بەباشی خۆمان بۆ یاری كۆتایی خولەكە ئامادە دەكەین بۆ رووبەروبونەوەی هەولێر بۆ ئەوەی بتوانین نازناوەكە بگەرێنینەوە بۆ شاری سلێمانی.
یەریڤان سەڵاح راهێنەری لاوانی پێشمەرگەی سلێمانی باس لەهۆكاری شكستەكەیان دەكات‌و وتی:" دەتوانم بڵێم لەگێمی یەكەمدا باش نەبووین‌و پێكانی ئەو یاریزانەشمان بەتەواوی یاریزانەكانم لەلایەنی دەروونیەوە خراپ بوون، بۆیە ئێمە هەموو هەوڵێكماندا بۆ ئەوەی لایەنی دەروونی كار نەكاتە سەریان لەگێمی دووەمدا، هەرچەندە گۆڵی بەرامبەریشمان تۆمار كردەوە، بەڵام ئەنجام لەبەرژەوەندی ئێمە نەبوو پیرۆزبایی لەیانەی نەورۆزیش دەكەم كە تیپێكی بەهێزییان هەیە‌و هیوادارم نازناوەكەش بەدەست بێنن.
لەیاریەكیتری ئەم هەفتەیەداو هەر لەشاری سلێمانی یانەی سیروانی نوێ‌ ٣-٠ بە براوە دانرا دوای ئەوەی ئارارات ئامادەی یاریەکە نەبوو.
بەو بردنەوەیە لاوانی نەورۆز لەپلەی دووەمدا مایەوە بەكۆكردنەوەی 23خاڵ‌و پێشمەرگەی سلێمانیش دابەزییە پلەی پێنجەم بەكۆكردنەوەی 18خاڵ.


created by Avesta Group and powered by Microsoft Azure