پێرێز: خۆمان بەدەستەوە نادەین

جیهان :: 5 رۆژ پێش ئێستا‌ :: 2251‌ جار بینراوە
dwarozh


تاگ :: گشتی

دواڕۆژ سپۆرت

 

لە کاتی ناساندنی لۆکا یۆڤیچی سڕبی و هێرشبەری نوێی یانەی ریاڵ مەدرید، فلۆرنتینۆ پێرێزی سەرۆکی یانەی ریاڵ مەدرید  قسەی کردو باسی لە پلانەکانی داهاتووی یانەکەی کرد لە داهاتووداو رایگەیاند خۆمان بە دەستەوە نادەین.

 

پێرێز وتی:" پڕۆژەی نوێی ئێمە دەستپێکردووە بۆ وەرزی داهاتوو،دەزانین ئێمە دەبێت بە جددی کار بکەین و ئامادەین بەهێزەوە بگەرێینەوە، ئەم یانەیە خۆی بەدەستەوە نادات هەرگیز، ئێمە ئەوەمان سەلماندووەو لە کۆی ٥ پاڵەوانێتی خولی یانە پاڵەوانەکان ٤ نازناومان بردۆتەوە، ئەمەش شتێکی جادووییەو دەستکەوتێکی گەورەیەو بە درێژایی کات شتی زیاتر دەکەین.

 

وتیشی" ئێمە بەرپرسیارێتی گرنگمان لەسەرشانە، گەڕانەوە بۆ بردنەوەکان، تەنها بردنەوە.

 

لەسەر گواستنەوەی یۆڤیچ وتی:" ئەو  لە لایەن چەندین یانەی گەورەی ئەوروپا داواکراوبوو، تەمەنای ئەوەی دەکرد لە یانەی ریاڵ مەدرید یاری بکات، ئەو خەونەکەی هاتۆتە دی و ئێستا لێرەیە، ئێستا لۆکا یۆڤیچ بە تەواوی بووە بە یاریزانی یانەی ریاڵ مەدرید، ئەو یانەیەی کە یانەی ئەوروپایەو  ١٣ نازناوی بردۆتەوە، سوپاس بۆ تۆ کە درێسی یانەی ریاڵ مەدریدت هەڵبژاردووە،ئەو ئەم وەرزە ٢٧ گۆڵی بۆ یانەکەی کردووە، هاندەران زیاتریان لە ئەو دەوێت و لە پێشەوەی بەرەنگاری گەورە هەیە.



created by Avesta Group and powered by Microsoft Azure