بەوێنە: لەیارییەكی پر گۆڵدا لاوانی سیروانی نوێ‌ لەیاریگای خۆی دەدۆرێت

ناوخۆیی :: پێش 1 هەفتە ‌ :: 124‌ جار بینراوە
dwarozh


دواڕۆژ، ئەردەڵان محەمەد


كێبركێكانی خولی لاوانی یانە نایابەكانی كوردستان بەردەوامی هەیە‌و لەیەكێك لەیاریەكانی هەفتەی 10ی خولەكە، لاوانی سیروانی نوێ‌ لەیاریگای خۆی بە(3-2)گۆڵ بەهەولێری میوانی دەدۆرێت.
لەگەڵ دەستپێكردنی یاریەكە هەردوو یانە بەهێرشكردن دەستیان بەیاری كرد‌و لەخولەكی 3"محەمەد كەمال گۆڵی یەكەمی هەولێری تۆمار كرد‌و دوای دوو خولەك‌و بەدیاری كراوی لەخولەكی 5هەورامان رەشید یاریزانی سیروانی نوێ‌ هەولێری بەگۆڵی دووەم پێشخست.
لەخولەكی 20ی یاریەكەدا محەمەد دلاوەر گۆڵێكی بۆ سیروانی نوێ‌ تۆمار كرد، بەڵام جارێكیتر یانەی میوان دەستپێشخەری كرد‌و لەخولەكی 21 محەمەد رزگار گۆڵی سێیەمی لاوانی هەولێری تۆمار كرد.
پێش تەواو بوونی ئەم گێمە‌و لەخولەكی 33میران محەمەد توانی ئەنجامەكە لەسەر سیروان كەم بكاتەوە‌و گۆڵی دووەم تۆماربكات.
گێمی دووەم لاوانی سیروانی نوێ‌ باڵا دەستربوو، هەرچەندە لەسەرەتای ئەم گێمەوە ناوبژیوان لێدانێكی سزای بۆ هەژمار كرد، بەڵام محەمەد دلاوەر نەیتوانی ئەنجامەكە بۆ یانەكەی یەكسان بكاتەوە‌و لێدانەكەی لەدەستدا‌و تافیكەی ناوبژیوانیش ئەنجامەكە وەك خۆی بە3گۆڵ بەرامبەر بە2گۆڵ مایەوە لەبەرژەوەندی لاوانی هەولێر.
شوان ئەنوەر راهێنەری لاوانی هەولێر ئەوەی راگەیاند: پیرۆزبایی لەیاریزانەكانم دەكەم، چونكە هەوڵ‌و كۆششێكی زۆریاندا، دەستخۆشی لەیانەی سیروانی نوێ‌ دەكەم بەراستی ئاستێكی بەهێزیان پیشاندا، بەلام ئێمە كە هاتبووین بۆ شاری سلێمانی بۆ سێ خاڵی یاریەكە بوو.
لەلای خۆیەوە راهێنەری لاوانی سیروانی نوێ‌ باس لەهۆكاری ئەنجامەكە دەكات‌و بەدەزگاكانی راگەیاندنی وت: پیرۆزبای لەیانەی هەولێر دەكەم بەراستی بەحەقی خۆیان بردیانەوە‌و بەهەڵەی تاكە كەسی یاریەكەمان دۆراندن، هەرچەندە دوو گۆڵمان تۆمار كرد‌و لێدانێكی سزاشمان لەدەستدا، بەڵام یاریزانەكانمان ئەمرۆ لەئاستی خۆیاندا نەبوون.
بەو بردنەوەیە‌و سود وەرگرتن لەدۆراندنی لاوانی نەورۆز یانەی هەولێر بەكۆكردنەوەی 21خاڵ چووە پلەی یەكەمی ریزبەندی‌و سیروانی نوێش بە15خاڵ لەپلەی چوارەمدا مایەوە.


created by Avesta Group and powered by Microsoft Azure