عەدنان دەرجال" ئەوەی لە نێوان من و یەكێتی تۆپی پێ روویدا ناكۆكی كەسی نیە

ناوخۆیی :: پێش 2 هەفتە ‌ :: 140‌ جار بینراوە
dwarozh


دواڕۆژ، حسین کەرکوکی

عەدنان دەرجال یاریزانی پێشووی هەڵبژاردەی عێراق دووپاتی كردەوە كە یاسای بنەڕەتی لە گرنگترین بابەتەكانن كە دەبێت گفتووگۆی لە سەر بكرێت و
بگۆڕدرێت لەگەڵ ئەو لیژنە كاتییەی كە تۆپی پێی عێراق بەرێوەدەبات .


دەرجال لە كۆنگرەیەكی رۆژنامەوانیدا وتی " ئەوەی لە نێوان من و یەكێتی تۆپی پێ روویدا ، ناكۆكێكی كەسی و تایبەتی نیە ، بەڵكۆ یاسایی بوو و نەبراو نەدۆڕاو هەیە .


 روونیكردەوە كە تەنها براوە تۆپی پێی عێراقە  و چوار ئەندامی كۆمیتەی تەنفیزی هەن بەرپرسیارێتیان لە ئەستۆدا نیە ، بەڵكو دەبێت لاپەڕەیەكی نوێ دەست پێ بكەین و نەكەوینە هەمان هەڵەی چینی سیاسیەكان  و تەنانەت راگەیاندنیش پێویستە لە سەری قۆناغی نوێ دەست پێ بكات .

هەروەها وتی" كە یاسای بنەڕەتی دەبێت گفتووگۆی لە سەر بكرێت و بگۆڕدرێت و داڕشتنەوەی یاسای ناوخۆ كە ووتووێژی گۆڕینی دەكرێت لەگەڵ لیژنەی كاتی كە تۆپی پێی عێراق بەرێوەدەبات لە 3 تا 5 کەس پێكدێت و نزیكترە كە لە 5 كەس پێكبێت .


 عەدنان دەرجال ئەوەشی خستە روو كە پرۆژەیەكی گەورە هەیە  لە زاخۆوە تا فاو و چەندین راهێنەر و ئیداری لە خۆ دەگرێت و یاسایەك هەیە فیفا ساڵی 2017 ناردوییەتی بەڵام رووناكی نەبینی ، مەبەستم یاسای   لقەكانی یەكێتیەكەیە و وادەیان تەواو بووە و دەبێت هەڵببژێردرێنەوە .

یەكێتی نێودەوڵەتی پێش دوو رۆژ ئاگادارییەكی ناردوو بە پێكهێنانی لیژنەی ئاسایی كردنەوە بۆ بەرێوەبردنی تۆپی پێی عێراق شوێنی  مەكتەبی تەنفیزی دەگرێتەوە  كە دەست لەكار كێشانەوەی پێشكەش كردووە ، لە بەرامبەر دەستبەرداربوونی عەدنان دەرجال لەو سكاڵایەی لە دژی یەكێتی تۆپی پێی تۆماری كردبوو .


created by Avesta Group and powered by Microsoft Azure