شەش لێدوانی میژوویی لە سەر تۆپی ئاڵتوونی " دیارترینیان گاڵتە پێكردنە بە میسی و رۆناڵدۆ

جیهان :: پێش 1 هەفتە ‌ :: 3853‌ جار بینراوە
dwarozh


دواڕۆژ سپۆرت

 

خەڵاتی تۆپی ئاڵتوونی زیاتر لە هەموو بۆنە وەرزشی و راگەیاندنێك مایەی مقۆ مقۆیە ، بەتایبەتی پاش تێكڵاو كردنی خەڵاتی  فیفا و فرانس فوتبۆڵ بۆ ئەوەی ببێتە یەك خەڵات لە ساڵی 2010 ەوە ( دواتر لە 2018 هەردوو خەڵاتەكە جیاكرانەوە ) .

ئەوەی مقۆ مقۆکەی زیاتر كرد چەند هۆكارێكن ، كە پەیوەستن بە دەست نیشانەكانی فیفا بۆ پاڵێوراوان و پێوەرەكانی دەستنیشان كردن كە زۆرێك  ڕەخنەی لێدەگرن ، هەروەها ركابەری توندی نێوان میسی و رۆناڵدۆ باشترین یاریزانی ئێستای جیهان .

 بەڵام دوور لەم دوو یاریزانە و بەهۆی ئەو مقۆ مقۆیە گەورەیە دەربارەی خەڵاتەكە و ئاهەنگی ساڵانەكەی كە ئەنجام دەدرێت ، چەندین لێدوان لە نیوان نامۆ وتوڕە و هەنیكێش پیكنیناوی  کە ئەمانەن...

ریبەری  تێشكاو :" لەوە زیاتر چی بكەم ، نەفرەت لە سیاسەت !
 لە ساڵ 2013 فرانك ریبەری  لەگەڵ یانەی بایرن میونیخ وەرزێكی میژووی پێشكەش كرد و پێنج  نازناوە میژووییەكەی بەدەستهێنا، بەڵام خەڵاتەكە درایە كریستیانۆ رۆناڵدۆ ، كارەكەش ئەو یاریزانەی تێكشكاندو لە ئاهەنگەكە دەرچوو بۆ ئەوەی بڵێت " چی پێویستە زیاتر لەوەی كردوومە بۆ ئەوەی خەڵاتەكە بەدەستبهێنم ، پێنج نازناوم بەدەستهێناوە ، ئەوەی بەس نەبوو بۆیان "

پاش چەند رۆژێكی تر لێدوانێكی تری تەقاندەوەو وتی " خەڵاتی باشترین یاریزانی جیهانی وای لێهاتووە نەڕوات بۆ لای باشترین یاریزان ، بەڵكو دەستنیشان كردنەكە لە سەر بنەمای سیاسەتە "

باللۆتیلی " بەدەستی دەهێنم بەڵام بەمەرج !


ئەو یاریزانە ئیتاڵیە بە ڕەچەڵەك ئەفریقی ماریۆ بالۆتیلی خاوەن لێدوانە سەرنج ڕاكێشەكان  لە تۆپی پێیدا ، جارێكیان ڕایگەیاند " تۆپی ئاڵتوونی دەبەمەوە گەر میسی هەندێك ئاستی دابەزێت ، لە ئاماژەیەكی لاوەكی  كە جیاوازی ئاستی نێوان ئەو و میسی شتێكی كەمە "


توتی " توڕە " تەنها بۆ ئەوەیە دەیكڕێت ..


فرانشیشكۆ توتی ئەفسانەی یانەی رۆمای ئیتاڵی  بە لێدوانە  بەهێز و ئازاكانی لە دژی فیفا ناسراوە  و لە نێو لێدوانەكەیدا كاتێک بە توڕەییەوە وتی " دەتوانیت خول و خولی یانە پاڵەوانەكان بەدەستبهێنێت بەڵام ناتوانێت ئەم خەڵاتە ببەیتەوە ، چونكە دەبێت بیكڕیت "

ئیبراهیمۆڤیچ " دڵنیا " پێویستم پێی نیە !

 تەنها یەك لێدوانی سەرنج راكێشی زەڵاتان ئیبراهیمۆڤیچی سویدی  دەربارەی تۆپی ئاڵتوونی نیە ، بەڵكو چەندین لێدوانی هەیە ، دیارترینیان كاتێک بە رۆژنامەنووسانی وت "  پێویستم بە تۆپی ئاڵتوونی نیە ، چونكە دەزانم من باشترینم ، ئەوە بۆ هەندێک یاریزانی تر گرنگە "

ئیبراهیمۆڤیچ جارێكی تر .. زۆرتوند دەبێت و وتی"
 میسی پاش بردنەوی چوارەمین تۆپی ئاڵتوونی  پێش چەند ساڵێك ئیبراهیمۆڤیچ دەربارەی هاوڕێی پێشووی لە بەرشەلۆنە  وتی " چوار تۆپی ئاڵتوونی هەیە ، بەڵام دەتوانم شكوڵاتە لە ئامێر بكڕم بێ ئەوەی دابەزم بۆ خوارەوە بۆ دەستەبەركردنی "


هەروەها دوو دڵ نەبوو لە هێرشكردنە سەر رۆناڵدۆ و گاڵتەی پێبكات بە لێدوانەكەی و وتی " هەمیشە روناڵدۆ لە ریزی پێشەوە دەبینین بۆ ئەوەی سەیری میسی بكات كە خەڵاتەكە دەستەبەر دەكات .. كریستیانۆ شایستەی ئەوە نیە تەنانەت لە نێو پاڵێوڕاوان بێت بۆ خەڵاتی تۆپی ئاڵتوونی بۆ ئەم ساڵ ، زیاتر لە 10 یاریزان هەن زۆر لە كریستیانۆ باشترن "

پلاتەر " نا بەرپرس " تەمەنا بۆ میسی...

 

   لە میانەی دەنگدان  لە سەر تۆپی ئاڵتوونی  لە ساڵی 2013 ، سەرۆكی ئەوەسای فیفا پلاتەر لە بەرنامەیەكی تەلەفزیونی دەركەوت بۆ ئەوەی  گاڵتە بە رۆناڵدۆ بکات و هەستا بە لاسایی كردنەوەی رۆیشتنە سەربازییەكەی ، لە دیمەنێكیدا بە هۆی وروژاندنی توڕەیی رۆناڵدۆ و زۆرێك لە هەوادارانی و ڕەخنەیەكی زۆر لە پلاتەر گیرا كاتێک وتی " هیوای بردنەوەی تۆپە ئاڵتوونییەكە بۆ میسی دەخوازم " بەڵام زۆرێك ئەم لێدوانەیان ئەژمار كرد كە كلیلی  بردنەوەی رۆناڵدۆ بۆ خەڵاتەكە بوو  لە كۆتاییدا و بە شێوەیەكی فەرمی پلاتەر داوای لێبوردنی لە روناڵدۆ كرد .

 


created by Avesta Group and powered by Microsoft Azure