لیژنەی رێپێدانەكان : پێنج یانە كێشەی دارایی و كارگێڕی هەیە

ناوخۆیی :: پێش 1 هەفتە ‌ :: 148‌ جار بینراوە
dwarozh



دواڕۆژ، حسین کەرکوکی

بە ئامادەبوونی نوێنەری یانەكان و دەزگاكانی راگەیاند  لیژنەی رێپێدانەكان لە یەكێتی تۆپی پێی عێراق ئەمڕۆ چوارشەممە كۆبووەوە ئەمەش لە  پێناو روونكردنەوەی هەندێک وردەكاری هەڵواسراو لەگەڵ یانەكانی خولی نایاب.

 محەمەد عەبودی سەرۆكی لیژنەی رێپێدانەكان لە بەیاننامەیەكیدا وتی " چەندین کەیسی هەڵپەسێردراو هەن لە كارووباری یانەكان و دەبێت لە رۆژانی داهاتوو چارسەر بكرێن ، چونكە داواكراوین بە ئاگاداركردنەوەی یەكێتی تۆپی پێی ئاسیا بە هەموو بابەتەكان كە پەیوەستن بە یانەكان پێش دەستپێكردنی خولی نایاب و بەدیاری كراوی رۆژی پانزەی ئەم مانگە"
هەروەها عەبودی وتی " پێنج یانەی ناوخۆی هەن كێشەی كارگێڕی و داراییان هەیە ، تا ئێستا مۆڵەتی بەشداریكردنیان بۆ بەشداری كردن لە خولی نایاب نیە ، ئەوانیش یانەكانی (مینا و تەڵەبە و قوە جەوییە  و شوڕتە و نەجەف )ە ، لە بەرامبەردا هێمای سەوزمان پێدرا بۆ بەشداریكردنی قوە جەوییە ، و شورتە لە خولی نایاب ، و لە كاتی گەیشتنی نوسراوی فیفا و یەكێتی تۆپی پێی ئاسیا ، ئەوە رپێدانە ناوخۆییەكان رادەگیریت "
عەبوودی دووپاتی كردەوە " رێگە بەهیچ یاریگایەك نادەین گەر مەرجەكان تەواو نەكات ، فشارەكان چەند زۆر بن  و زۆر هاوكار دەبین لە گەڵ یانەكان ، ئەوەی گرنگە دەرخستنی خولی نایابە بە شێوەیەكی جوان ".


created by Avesta Group and powered by Microsoft Azure