چەند نەریتێکی سەیری رۆژی خۆشەویستی لە وڵاتە جیاوازەکان

هەمەڕەنگ :: پێش 2 هەفتە ‌ :: 401‌ جار بینراوە
dwarozh


دواڕۆژ

شێوازی ئاهەنگی جەژنی خۆشەویستی لەوڵاتێكەوە بۆ وڵاتێكی تر دەگۆڕێت لەم چەند دێڕەدا باسی چەند نەریتێكی جیاوازی وڵاتانتان بۆ دەكەین كە رۆژنامەی ئیندیپێندنتی بریتانی بڵاویكردوەتەوە.

بەرازیل 
بەرازیلیەكانی جەژنی خۆشەویستی لە 14 فبرایەر ناگێڕن چونكە رۆژێكی تریان هەیە كە پێی دەوترێت جەژنی دیا دوس نامورادوس وەك رۆژی عاشقان و ئەو رۆژەش دەكەوێتە بەرواری 12ی یۆنیۆ كە هاوكاتە لەگەڵ جەژنی ئەنتونی. 
فرەنسا
نەریتێكی باوە كە لەسەرانسەری جیهان لەسەر  كارتێك لە رۆژی ڤالانتایندا خۆشەویستەكان شت بۆ یەكتری دەنوسن، بەڵام ئەم نەریتە باوە لەسەدەی 15یەمدا داهێنراوە كە یەكەم كارتی خۆشەویستی نوسراو لە لایەن دۆقە ئەورلیانزی فەرەنسی  داهێنرا  كە وشە و شعری خۆشەویستی بۆ هاوسەرەكەی ناردووە.
پێش ڤالانتاین فرەنسیەكان جەژنێكی تەقلیدیان هەبووە و كە دواتر حكومەتی ئەو وڵاتە قەدەغەی كردووە و تێیدا ئەو كەسانەی هاوسەرگیریان نەكردووە لەدەرەوەی ماڵەكانیان دەوەستان و بانگی ئەو كچانەیان دەكرد كە هاوسەرگیریان نەكردووە وەك بانگهێشتێك بۆ دروستكردنی پەیوەندی و لەكۆتایدا ئەو ژنانەی كە هیچ پیاوێكیان بۆ نەدەمایەوە  جنێویان دەدا و وێنەی پیاوەكانیان دەسوتاند.
فلیپین 
لەم ساڵانەی كۆتایدا فلپین توانی ئاهەنگی رۆژی ڤالانتاین بگێڕێت لەرێگەی سازكردنی  ئاهەنگی گەورە و بەكۆمەڵ و ئامانج لەو ئاهەنگانە هاوكاریكردنی ئەو كەسانەیە كە دەیانەوێت هاوسەرگیری بكەن.
چین
لە چین میهرەجانی تشیشی كە بەشەوی حەوتەم ناسراوە  كۆپی رۆژی جیهانی خۆشەویستیە بەڵام لە 25ی ئاب لە رۆژژمێری مانگی چین سازدەكرێت.
فنلەندا 
پەیوەندی خۆشەویستی تەنیا ئەو پەیوەندییە نییە كە لە نێوان پیاو و ژنێكدا هەیە لە فینلەندا بەڵكو هاوڵاتیانی ئەو وڵاتە 14ی شوبات بە جەژنی هاوڕێیەتی دەزانن و پێی دەڵێن رۆژی هاوڕێیەتی.
ژاپۆن 
لەژاپۆن تەنیا دەبێت ژن دیاری بكڕێت و پێشكەشی خۆشەویستەكەی بكات و دەبێت چوكولاتا بكڕێت وەك نەریتێك و لە جەژنی خۆشەویستیدا و بیداتە پیاوەكان.
كۆریای باشوور 
كۆریای باشوور هاوشێوەی ژاپۆن جەژنی خۆشەویستی دەگێڕێت و پێی دەڵێن رۆژی سپی، بەڵام  نەریتێكی تر هەیە كە پەیوەندی  بەخۆشەویستیەوە هەیە كە رۆژی رەشەو لە 14ی نیسان سازدەكرێت و ئەو ژنانەی خۆشەویستیان نییە و لە ڤالانتاین دیاریان وەرنەگرتووە دەچنە چێشتخانەیەكی تایبەت بە خواردنە چینیەكان  و مەعكەرۆنای رەش دەخۆن.  

پ: ر.ف



created by Avesta Group and powered by Microsoft Azure