تەیم حەسەن نهێنییەک دەربارەی درامای "الهیبە" ئاشکرا دەکات

دراما و سینەما :: پێش 4 هەفتە ‌ :: 1788‌ جار بینراوە
dwarozh


تاگ :: ئەکتەر

دواڕۆژ

هونەرمەندی لاوی سوری (تەیم حەسەن) ئاشکرای دەکات کە تۆمارکردنی بەشی چوارەمی درامایی  "الهیبە" کە لەژێر ناوی "الرد" دەبێت، چیتر لە لوبنان تۆمار ناکرێت وەک سێ بەشی رابوردوو.


تەیم ئاماژە بەوە دەکات کە خۆپیشاندانەکانی لوبنان کاریگەری خراپی دەبێت لەسەر تۆمارکردنی گرتەکانی درامای "الهیبە" بۆیە روو دەکەینە وڵاتی سوریا و لەوێوە درێژە بە کارکردن لەسەر دراماکەمان دەدەین و چەند گرتەیەکی کەم لە لوبنان تۆمار دەکەین.

تەیم دەڵێت بەشی چوارەمی درامای  "الهیبە" دوا بەش دەبێت و چەندین ئەکتەری نوێ بەشداری تێدا دەکات، ئەم بەشە کۆکراوەی هەر سێ بەشی رابووردوو دەبێت و لە ساڵی 2021 دا نمایش دەکرێت. 

درامای  "الهیبە" وەک پڕبینەرترین درامای ساڵی 2018ی عەرەبی هەژمار کرا بە بەشداریکردنی چەندین ئەستێرەی عەرەبی وەک تەیم حەسەن و سیرین عەبدولنور و نەیدم، لەگەڵ چەندین رەخنەی جیاواز کە لەدراماکە گیراوە، دراماکە بەشێوەیەکی گشتی باسی خێزانێکی دەسەڵاتداری لوبنانی دەکات کە لە گوندی "الهیبە" نیشتەجێن لە ناوچەیەکی سەر سنوری لوبنان و سوریا، توشی چەندین کێشەو شەری جیاواز دەبنەوە و زۆربەی کێشەکان بەشێوەی عەشایەری چارەسەر دەکەن. 

ئامادەکردن: س.ن 



created by Avesta Group and powered by Microsoft Azure