تیپێكی میسری یاریزانێكی تەمەن 74 ساڵ لەخۆ دەگرێت

هەمەڕەنگ :: پێش 2 هەفتە ‌ :: 122‌ جار بینراوە
dwarozh


دواڕۆژ

یەکێتی تۆپی پێی میسری رۆژی سێشەممە لە پێگەی فەرمی خۆی بڵاویكردەوە كە یاریزانێكی  بەتوانای جیهانی لە ماوەی گواستنەوەی زستانەی ئێستا لەخۆ گرتوو كە ناوی عزلدین بهادرە و تەمەنی 74 ساڵە و لە ئێستادا بۆتە یاریزانی  یانەی 6ی ئۆكتۆبەر لەچوارچێوەی خولی پلەی سێیەمی یانەكان.

ولید عەتار بەڕێوەبەی جێبەجێكاری یەكێتی تۆپی پێی میسری رایگەیاند: ئەو یاریزانە و بەرپرسانی یانەكە رێكارەكانیان تەواو كردووە و ناوی ئەو یاریزانە لە لیستی یانەكە و یەكێتیەكە تۆمار كراوە.

لە ئێستادا ئەو یاریزانە ئامادەكاری دەكات بۆ ئەوەی ناوی بچێتە گینیس بۆ ژمارە پێوانەیەكانی جیهان وەك گەورەترین یاریزان لەگەڵ دەست پێكردن و بەشداریكردنی لەگەڵ یانەكەی لە یاریە فەرمیەكاندا كە تێیدا نوێنەرانی گینیسیش بانگهێشت دەكرێن.

بە پێی ئەو ناسنامەیەی یەكێتی تۆپی پێی میسری لە پێگە فەرمیەكەی بڵاویكردۆتەوە بەهادر لە 3ی نۆڤەمبەری ساڵی 1945 لەدایك بووە واتا تەمەنی ئێستای 74 ساڵ و 79 رۆژە.

شایەنی باسە هەفتەیەك بەر لە گرێبەستەكەی بهادر  كازویوشی میورا  یاریزانی یابانی پێشوی نێودەوڵەتی كەمانگی داهاتوو  تەمەنی دەبێتە  53 ساڵ گرێبەستی لەگەڵ یانەی یوكو هاما ئێف سی ركابەری خولی پلە یەكی ئەو وڵاتە ئیمزا كرد و وەك گەورەترین یاریزان لە جیهاندا تۆمار كرا.

پێشتر كازو رایگەیاندووە، كە هەتا تەمەنی 60 ساڵی دەست بەرداری یاریكردن نابێت و لە ساڵی 2017 دا كەتەمەنی 50 ساڵ بوو میورا ناوی چووە مێژووە وەك گەورەترین یاریزان لەڕوی تەمەنەوە بەفەرمی بە گەورەترین یاریزان دەست نیشانكراوە.   

پێداچونەوە:ئەڤین

ب: ر.ف



created by Avesta Group and powered by Microsoft Azure