بەپێی بورجی چینی بزانە ئەمساڵت چۆن دەبێت

هەمەڕەنگ :: 21/01/2020‌ :: 1329‌ جار بینراوە
dwarozh


دواڕۆژ

بەپێی ئەستێرەناسییەكەی چین ساڵی مشكی كانزایی بەڕێوەیە. لە بورجەكانی چیندا مشك یەكەمین ئاژەڵە هێمایەكە بۆ بڕیاردان و خوڵقاندن. لە فەلسەفەی چینیدا ئەم ئاژەڵە نیشانەی تەندروستی و سامان و بەختەوەری گشتییە.

 
لەدایكبووانی ساڵی مشك لەڕووی هێز و باوەڕ و رەوشتەوە باڵادەستن بەسەر كەسانی تردا.
دوانزە ئاژەڵ هەن كە هەریەكەیان هێمایەكن بۆ ساڵێكی چینی و ئەمە دووبارە دەبێتەوە. بنەمای ئەم دوانزەییە لەسەر بناغەی سووڕانەوەی ئەستێرەی مشتەرییە. 
لە ساڵی 2020دا ساڵی تازەی چینی رێكەوتی 25ی كانوونی دووهەم دەكات، كە سەرەتای ساڵی مشكە. ساڵی نوێی چینی زیندوكردنەوە و رێزگرتنی ئەفسانە و دابونەریتە كۆنەكانە. لەڕووی مێژووییەوە بۆنەیەكە بۆ رێزلێنان لە خواوەندەكان و پێشینان. 

لە چیندا سەرەتای ساڵی نوێ‌ دەكرێتە بۆنەیەك كە خێزانەكان پێكەوە كۆببنەوە بۆ خوانی ئێوارە. لەو بۆنەیەدا چینییەكان ماڵ پاكدەكەنەوە وەك هێمایەك بۆ راماڵینی بەدبەختیەكانی كۆن و پێشوازیكردن لە بەختی باش. ئێوارانیش یاری ئاگرین دەستپێدەكات.
ساڵەكانی بورجی مشك بەم شێوەیە بوون: 1936، 1948، 1960، 1972، 1984، 1996، 2008، 2020.ساڵی داهاتووی مشك رێكەوتی ساڵی 2032ی زایینی دەكات. 
ئەم ساڵە نوێیە دەبێتە ساڵی ئالێنگاری بۆ ئەو كەسانەی كە لە ساڵی مشكدا لەدایك بوون. هەوڵ بدە رووبەڕووی كێشەكان ببیتەوە، نەرێنی دادت نادات.


بورجی گاجووت
ساڵەكانی گاجووت بریتین لە: 1937، 1949، 1961، 1973، 1985، 1997، 2009، و ساڵی داهاتووش 2021.
لەدایكبوانی ساڵی گاجووت كەسانێكن متمانەیان بەخۆیان زۆرە، پێویستە ئەم بڕوابەخۆبوونە كاریگەری هەبێت لەسەر ژیانی رۆمانسیت. بەڵام بە رادەیەك نا كە هەر خەریكی ململانێ‌ بیت لەگەڵ خۆتدا.

 

بورجی پڵنگ
ساڵانی 1938، 1950، 1962، 1974، 1986، 1998، 2010 و 2022 ساڵی پڵنگن.
بورجی پڵنگ ساڵی بەخت و دەسەڵاتە بە مەرجێك متمانەی بەخۆی هەبێت.

 

بورجی كەروێشك
لەدایكبووانی ساڵی 1939، 1951، 1963، 1975، 1987، 1999، 2011، 2023 سەر بە بورجی كەروێشكن.
ئەمساڵ ساڵی باشە بۆ بورجی كەروێشك بەڵام رەنگە هەندێك گیروگرفت و كێشەی تەندروستی و كۆمەڵایەتیان بێتە رێ.

 

بورجی ئەژدیها
بورجی ئەژدیها بورجی لەدایكبووانی ساڵەكانی 1940، 1952، 1964، 1976، 1988، 2000، 2012، 2024

لەمساڵدا لەدایكبووانی بورجی ئەژدیها دەستكەوتی دارایی زۆریان دەبێت. لە بواری ئیش و پیشەدا پێش دەكەون بەڵام پێویستە ئامادەی سازش و رێككەوتن بن.


بورجی مار
بورجی مار لەدایكبووانی ساڵەكانی 1941، 1953، 1965، 1977، 1989، 2001، 2013، 2025 دەگرێتەوە.

ئەمساڵ ساڵی وەرچەرخانی ژیانی ئەو كەسانەیە كە بورجەكەیان بورجی مارە. پێویستە لەمساڵدا هەڵسەنگاندن بكەیت بۆ رێبازی ژیانت. وریابە لە گۆڕینی كار و پیشەكەتدا.


بورجی ئەسپ
لەدایكبووانی ساڵەكانی 1930، 1942، 1954، 1966، 1978، 1990، 2002، 2014، 2026 سەر بە بورجی ئەسپن. 
لەمساڵدا 2020 لەدایكبووانی بورجی ئەسپ پێویستە زۆر گەشبین نەبن وەك كەسایەتیەكی سەربەخۆ ئەم ئامۆژگاریە نابێت بكەیتە مایەی نیگەرانی بۆ خۆت. بەڵام رێگە بە سۆزت مەدە زاڵ ببێت بەسەرتدا.


بورجی بزن
بورجی گیسك لەدایكبووانی ئەم ساڵانە دەگرێتە 1931، 1943، 1955، 1967، 1979، 1991، 2003، 2015، 2027.
ئەمساڵ ساڵێكی ئەرێنی دەبێت بۆ لەدایكبووانی بورجی بزن. سامان و تەندروستی باشیان دەبێت. ئەزموونی تازە چاوەڕێیانە بەڵام هەندێك رێگریشیان دێتە رێ.

بورجی مەیمون
لەدایكبووانی ساڵەكانی 1932، 1944، 1956، 1968، 1980، 1992، 2004، 2016، 2028 دەگرێتەوە.
ساڵی 2020 ساڵێكی پڕ ئالێنگاریی دەبێت بۆ لەدایكبووانی بورجی مەیمون، پشوودرێژی و رێكخستنی كاروبارەكان زۆر پێویستە. بەڵام ئەوەندە توانات هەیە بتوانیت زاڵ ببیت بەسەر كێشەكانتدا. 


بورجی كەڵەشێر
بورجی كەڵەشێر لەدایكبووانی ئەم ساڵانە دەگرێتەوە 1933، 1945، 1957، 1969، 1981، 1993، 2005، 2017، 2029.
ساڵی 2020 ساڵێكی پڕ سەركەوتن دەبێت بۆ بورجی كەڵەشێر بەتایبەت لە بواری پەیوەندییەكاندا. لەدایكبووانی ئەم بورجە پێویستە زۆر خۆپەرست نەبن و واز لە خۆدەرخستن بهێنن.


بورجی سەگ
ساڵانی لەدایكبوونی بورجی سەگ بریتین لە 1934، 1946، 1958، 1970، 1982، 1994، 2006، 2018، 2030.
ساڵی 2020 ساڵێكی ئاسان دەبێت بۆ بورجی سەگ بە مەرجێك وەفا و دەستپاكی و سروشتی جوانی خۆیان بپارێزن. پێویستە ئەم پرینسیپانە لەكیس خۆیان نەدەن.


بورجی بەراز
ساڵەكانی 1935، 1947، 1959، 1971، 1983، 1995، 2007، 2019، 2031 ساڵی لەدایكبوونی ئەو كەسانەن كە بورجەكەیان بورجی بەرازە.
خۆشبەختانە ساڵی 2020 ساڵێكی زۆر بەختەوەر دەبێت بۆ بورجی بەراز. میهرەبانی و دەستپاكی و خەسڵەتە باشەكانت بخەرە كار بۆ ئەوەی ئەمساڵ ببێتە باشترین ساڵی ژیانت. بەڵام لەڕووی خۆشەویستییەوە مەرج نییە سەركەوتن بەدەست بهێنیت.

 

پ:ر.ف



created by Avesta Group and powered by Microsoft Azure