بۆچی سوڕی مانگانەی هەندێک خانم دوادەکەوێت؟

تەندروستی :: 14/01/2020‌ :: 4088‌ جار بینراوە
dwarozh


تاگ :: تەندروستی

دواڕۆژ

خانمان زۆرجار رووبەڕووی كێشەی دواكەوتنی سووڕی مانگانە دەبنەوە، كە هۆكارە سەرەكییەكانی بریتین لە:

 
1- باری دەروونی
سترێس و دڵەڕاوكێ‌ و گوشاری دەروونی دەبنە هۆی كەمبوونەوەی بەرهەمهێنانی هۆڕمۆنی ئیسترۆجین ئەمەش لە ئەنجامدا دروستكردنی هێلكە و سووڕی مانگانە تێكدەدات.
2- گۆڕانی ژیانی رۆژانە
ئافرەت ئەگەر لەسەر ئەوە راهاتبێت بەیانیان زوو لە خەو هەڵبستێت، بەڵام لەپڕ بەهۆی بارودۆخێكەوە ئەو سیستمە بگۆڕێت ئەوا سووڕی مانگانە كاریگەری دەكەوێتە سەر و لە وادەی خۆی دوادەكەوێت.
3- زیادبوون و كەمبوونی كێش
هەردووكیان كاریگەری لەسەر ئەو هۆڕمۆنانە دروست دەكەن كە بەرپرسیاری رێكخستنی سووڕی مانگانەن.
4- بەكارهێنانی هەندێك دەرمان
كاریگەری لاوەكی هەندێك دەرمان بریتییە لە دواخستنی سووڕی مانگانە
5- دووگیانی
یەكێكە لە هۆكارەكانی دواکەوتنی سووڕی مانگانە و دەكرێت دڵنیایی وەربگیرێت لەڕێی بەكارهێنانی ئامێری پشكنینی ماڵەوە.

پ: پەری

ب: ر.ف



created by Avesta Group and powered by Microsoft Azure