سوودەكانی هەنار بۆ تەندروستی مرۆڤ

هەمەڕەنگ :: 15/12/2019‌ :: 1235‌ جار بینراوە
dwarozh


دواڕۆژ
هەنار میوەیەكی زستانەی بەتامە و خەڵكی حەزیان لێیەتی و چەند سوودێكی تەندروستیی بۆ مرۆڤ هەیە. توێژینەوە تەندروستییەكان سەلماندویانە كە "هەنار دەبێتە هۆی دابەزاندنی رێژەی چەوریی سیانی و رێژەی كۆلیسترۆڵی زیانبەخش لەناوخوێن دا، هەروەها كاریگەریی هەیە لە چارەسەركردنی خوێنبەرەكان و دڵ و رێگریی لە گیرانیان دەكات".

 
پێگەی هێڵس لاین نووسیویەتی"هەنار رێژەیەكی زۆر دژەئۆكسیدی تێدایە كە كار دەكات بۆ پاراستنی مرۆڤ لە تووشبوون بە نەخۆشیی شێرپەنجە، خواردنەوەی شەربەتی هەنار یەكێكە لەو چارەسەرە رووەكی و میلـلیانەی كە بەكاردێت بۆ تووشبوانی شەكرە لە جۆری دوو و دەبێتە هۆی كۆنترۆڵكردنی رێژەی شەكر لەخوێن و دابەزاندنی كۆلیسترۆڵی زیانبەخش. هەروەها كاریگەریی ئەرینی لەسەر ئەدای هۆرمۆنی ئەنسۆلین هەیە و تواناكانی بەهێزتر دەكات".

زانایان ئاشكرای دەكەن "هەنار دەوڵەمەندە بە پێكهاتە خۆراكییەكان، بەتایبەت ڤیتامین، هەروەها تایبەتمەندی و چارەسەری بەسوودی زۆرە و ئازارشكێنە و تا-یش دادەبەزێنێت. بەسوودیشە بۆ تینیویەتی لەكاتی گەرمادا، چارەسەری سكچوون دەكات و كرمی ناو سك و ریخۆڵەكان لەناودەبات، بەتایبەت كرمی قردێلەیی. هەروەها خوێنبەربوون دەوەستێنێت كە بەهۆی مایەسیری و بەرگە لینجەكانەوە دروست دەبێت". 

پ. ل. م
ب: ر.ف



created by Avesta Group and powered by Microsoft Azure