ئاژەڵێك هێرش دەكاتە سەر گوندێك و كاولی دەكات

هەمەڕەنگ :: 14/12/2019‌ :: 1350‌ جار بینراوە
dwarozh


دواڕۆژ

 ئاژەڵێكی كەنگەر كە بەرزیەكەی 6 پێیە مەزاج و مۆراڵی زۆر خراپبووە بۆیە لە گوندێكی ناوچەی كوینزلاندی بریتانیا هەستاوە بە وێرانكردنی گوندەكە و هێرشی كردۆتە سەر 3 پیاو و هەستاوە بە تێكدانی باخەكان و دارەكانی هەڵكەندووە.

رۆژنامەی دەیلی مەیلی بریتانی لە سەر زاری دانشتوانی ئەو گوندەوە باسی لە روداوەكە كردوە و لەسەر زاری هەریەك لە مارگریتا كوارانا كە ژنێكی دانیشتوی ئەو گوندەیە بڵاویكردەوە كە دەڵێت ئەو كەنگەرە سەرشێتە ئەو باخەی تێكداوە كە رۆژانە بۆ پشوو وەرگرتن دەهاتین لەناوی دادەنشتین و ماوەی 30 ساڵە من هاتوچۆی ئەو باخە دەكەم هەروەها ژنێكی تری ئەو گوندە دەڵێت ئەو ئاژەڵە بێ كەڵكە لە پڕ دەركەوت و داری لیمۆكان و چەند دارێكی تری لەناو برد.

دوای ئەو كارە تێكدەرانە كەنگەرەكە هێرش دەكاتە سەر سێ كەس كە یەكێكیان ژنێكی پیرە و گیانیان خەڵتانی خوێن دەكات.

جگە لەو سێ كەسە ئەو ئاژەڵە هێرشی كردۆتە سەر چەند كەسێكی تر و برینداری كردوون و خەڵكی ئەو گوندە دەڵێن ئەو كەنگەرە ماوەی مانگێكە لە باخچەی ئاژەڵان هەڵاتووە و تا ئێستا نەگەڕێندراوەتەوە .
ئاژەڵی كەنگەر كاتێك هێرش دەكاتە سەر مرۆڤ كە هەست بە ترس بكات یاخود كە وا هەست دەكات بۆتە هەڕەشە بۆ سەریان  بۆیە لەترسی خۆی هێرش دەكاتە سەریان 
هەروەها ئەگەر هەست بكات لە ژینگەیەكدایە كە هی ئەو نییە یاخود ئەو كەسانە بە شێوەیەكی هەڵە مامەڵەی لەگەڵ دەكەن .  

پ: ر.ف



created by Avesta Group and powered by Microsoft Azure