چیرۆكی ئەو دوو هاوسەرەی پێكەوە مردن

هەمەڕەنگ :: 09/12/2019‌ :: 743‌ جار بینراوە
dwarozh


تاگ :: هەمەڕەنگ

دواڕۆژ
دوای 57 ساڵ هاوسەرگیری و كاركردنیان پێكەوە لە كۆمپانیایەكی شاری بیستویا لە ئیتالیا، رۆژی  چوارشەممەی رابوردوو (مارچیللۆ ئانۆچینت)ی تەمەن 87 ساڵ، دوای تەنیا 10 خولەك لە مردنی  (جیۆڤانا)ی تەمەن 86 ساڵی هاوسەری، گیانی لەدەستدا.

 
رۆژنامەی لاریبو بلیكا-ی ئیتالی، ئەم چیرۆكەی بەمجۆرە بڵاوكردووەتەوە"ئۆتۆمبیلێكی ئەمبۆڵانس هات و بڕیاربوو مارچیللۆ بباتە نەخۆشخانە بۆئەوەی نەشتەرگەرییەكی زۆر ئاسانی بۆ بكرێت، جیۆڤانا لەگەڵ هاوسەرەكەی چووەتە ناو ئەمبۆڵانسەكەوە، بەڵام دوای ماوەیەكی كەم هەستی بە دڵتێكەڵهاتن كردووە و داوای كردووە ئەمبۆڵانسەكە بوەستێت بۆئەوەی ئەمیش هەوای پاك هەڵمژێت و دوای كەمێك لەهۆش خۆی چووە و لێدانی دڵی خاوبووەتەوە، تیمی ناو ئەمبۆڵانسەكە هەوڵیانداوە دڵی جارێكی تر بخەنەوەكار، بەڵام پێش گەیاندنی بە نەخۆشخانە (جیۆڤانا) گیانی لەدەستداوە. لەهەمانكاتدا مارچیللۆ، كاتێك لە نهۆمی سەرەوەی نەخۆشخانەكە دەبێت بۆئەوەی خۆی بۆ ئەنجامدانی نەشتەرگەرییەكە ئامادە بكات، كتوپڕ ئەویش دەمرێت و پزیشكەكان دەڵێن تووشی جەڵتەی مێشك بووە".
كوڕەكەی مارچیللۆ و جیۆڤانا دەڵێت:"هەردووكیان بەردەوام باسی ئەوەیان كردووە كە كەسیان نایەوێت پێش ئەوەی تریان بمرێت چونكە بەرگەی لەدەستدانی یەكتر ناگرن". 


ئا: ل. م 

ب: پەری



created by Avesta Group and powered by Microsoft Azure