دوای چەندین ساڵ نهێنییەکەی ژیانی شازادە دیانا و چارلز ئاشکرا دەبێت

هەمەڕەنگ :: 08/12/2019‌ :: 1327‌ جار بینراوە
dwarozh


دواڕۆژ

 

(هاوسەرگیری نەخۆش)، ئەمە ئەو وەسفە وردەیە كە بۆ هاوسەرگیری شازادە دیانا و شازادە چارلزی هاوسەری كراوە، هەر لەكاتی دەستگیرانداریدا شازادە چارلز زانیویەتی كە ئەو هاوسەرگیریە تەمەنی درێژ نابێت  و دەیزانی كە بەرێگەیەكی هەڵەدا دەڕوات، بەڵام سور بوو لەسەر ئەوەی بەردەوام بێت كە كۆتایەکەی كارەسات بوو.

 جونیۆر نوسەری كۆشكی شاهانە لەو پەرتوكەی كە لە ساڵی 2005دا بڵاویكردۆتەوە نوسیویەتی شازادە چارلز لەكاتی دەستگیرانداریدا هەستی بەگۆڕانكاری كردووە لەشازادە دیانا و لەپڕ رقی لەهەموو ئەو شتانە دەبۆوە كە وایان دەزانی خۆشی دەوێت.

رۆژنامەی دەیلی ئێكسبرێس بڵاویكردەوە، دوای ئەوەی خۆشەویستی خۆی بۆ ئەو گرنگی و بایەخەی دەستگیرانەكەی دەردەبڕی هەموو شتێك گۆڕا .

شازادە  چارلز بەردەوام سەری لەو رەفتارانەی دیانا سوڕماوە و لەو بڕوایەدا بوو شتێكی هەڵە هەیە، بۆیە بەردەوام هەستی بەدوو دڵی ودڵەڕاوكێی دەكرد بەرامبەر بەم هاوسەرگیریە، بەڵام ئەم هەستەی بۆ كەس باس نەكرد و دوای ئەوەی چەند هاوڕێیەكی ویستیان دەربارەی ئەم بابەتە قسەی بۆ بكەن رەتیكردەوە گوێ لەكەسیان بگرێت. 
شازادە چارلز رەتیكردەوە، ئەو دەستگیراندارییە هەڵوەشێنێتەوە و سەرەرای هەموو ئەو ترسەی لە دڵی بوو دەیویست ئەم هاوسەرگیریە ئەنجام بدرێت.

شازادە چارلز،  نەیدەویست دەربارەی ئەم بابەتە لەگەڵ دیانا قسە بكات  و نوسەرەكە دەشڵێت" دواین جار هاوڕێكانی دەربارەی ئەم بابەتە قسەیا لەگەڵ كردووە، بەڵام بەتوندی وڵامی داونەتەوە و پێی وتوون  سەرقاڵی ئیش و كاروبارەكانی خۆتان بن و ئەگەر شازادە چارلز گرنگی بە قسەی هاوڕێكانی بدایە ئەوا ئەو كارەساتە دروست روینەدەدا .

شازادە دیانا و شازادە چارلز لە ئاهەنگێكی شاهانەدا لە ساڵی 1981 هاوسەرگیریان كرد و ساڵی 1992 جیابونەوە و لە ساڵی 1996 بەفەرمی جیابونەوە و دوای تەنها دوو ساڵ لە جیابونەوەیان دیانا لە روداوێكی دڵتەزێندا گیانی لەدەست دا.  

پێداچونەوە:ئەڤین



created by Avesta Group and powered by Microsoft Azure