بەهۆی جوڵەیەكەوە كەهەموومان رۆژانە دەیكەین گەنجێك توشی جەڵتەی مێشك دەبێت

هەمەڕەنگ :: 06/12/2019‌ :: 5071‌ جار بینراوە
dwarozh


تاگ :: هەمەڕەنگ

دواڕۆژ

لەكاتی لێنانی چا بۆ خێزانەكەی گەنجێكی بریتانی بەناوی بن لیتلوود توشی جەڵتەی مێشك بوو بەهۆی جوڵەیەكەوە كە باوەڕناكەی چەند كاریگەری لەسەر تەندروستی مێشك هەیە.


دایكی كە لەدەرەوەی چێشتخانەكەی ماڵەوەیان بوو زۆر بانگیكردووە، بەڵام وڵامی نەداوەتەوە  و هیچ دەنگێكی نەبووە، بۆیە دایكی بەرەو چێشتخانەكە دەڕوات بۆ ئەوەی بزانێت چی رویداوە، بەڵام توشی شۆك بوو كاتێك كوڕەكەی بینی لەسەر زەوی كەوتووە.


دوای گەیاندنی بۆ نەخۆشخانە پزیشكەكان رایانگەیاندووە، كە توشی جەڵتەی مێشك بووە، چونكە بەپەلە رویكردۆتە پشتەوە و خوێنبەری سەرەكی پچڕاوە و توشی جەڵتەی خوێن بووە لە مێشكی دا.


كەس باوەر بەو جوڵەیە ناكات، چونكە رۆژانە و بێ ئاگایانە ئەو جوڵەیە دەكەین كاتێك لەپڕ سەرمان بە خێرایەكی زۆر بۆ هەر هۆكارێك بێت بەرەو دواوە دەسوڕێنین.


رۆژنامەی میترۆی بریتانی بڵاویكردەوە:  لیتلوود جگەرە كێش نەبووە و هیچ كاتێكیش مادەی هۆشبەری بەكار نەهێناوە و پشكنینە پزیشكییەكان ئاشكرایان كردووە كە هیچ كێشەیەكی تەندروستی نییە و بەهۆی ئەو جەڵتەیەوە دوای مانەوەی بۆ 8 رۆژ لەنەخۆشخانە گیانی لەدەست داوە.


لە دەستپێكی داخڵبونی نەخۆشخانە هەتا 4 رۆژ پزیشكەكان بۆیان ئاشكرا نەبووە كە توشی جەڵتەی مێشك بووە و گومانیان نەكردووە كە توشی ئەو حاڵەتە بووە، بەڵام یەكێك لەو پزیشكانەی پشكنینی بۆ مێشكی لیتلوود كردووە دەڵێت: ماوەی 12 ساڵە چارەسەری نەخۆش دەكەم و ئەم حاڵەتەم نەبینیوە .


دایكی لیتلوود دەڵێت: دەبێت ئاگادار بین و پزیشكەكان هۆكارەكانی جەڵتەی مێشك ئاشكرا بكەن و لیتلوود دارتاشی خوێندوو و لە ریزەكانی سوپا بووە  و خەونی بەوەوە بینیوە كە بچێتە ناو سوپا دوای ئەوەی زانكۆ تەواو دەكات.   

 

پێداچونەوە:ئەڤین



created by Avesta Group and powered by Microsoft Azure