باشترین تەمەن بۆ هاوسەرگیری کەیە؟

هەمەڕەنگ :: 05/12/2019‌ :: 2321‌ جار بینراوە
dwarozh


تاگ :: هەمەڕەنگ

دواڕۆژ

لەچەند سەدەی رابوردوودا  باشترین تەمەنی هاوسەرگیری تەمەنی بیستەكان بوو، كەتێیدا گەنجان هاوسەرگیری بكەن، بەڵام لەم چەند ساڵانەی رابردوودا هەموو شتێك گۆڕا و لە ئیستادا  تەمەنی بیستەكان بۆ هاوسەرگیری و پێكهێنانی خێزان بە تەمەنێكی باش نازانرێت و كچان و كوڕان لە ئیستادا بیر لەوەدەكەنەوە كە بچنە سییەكانی تەمەنیانەوە دواتر هاوسەرگیری بكەن .



لە چەند ساڵی رابوردودا چەندین توێژینەوە لەبارەی تەمەنی هاوسەرگیری ئەنجامدراون هەندێك لەو توێژینەوانە تایبەت بوون بە دواكەوتنی ئەنجامدانی هاوسەرگیری، بەڵام لە كۆمەڵگا عەرەبیەكاندا ئەنجامەكان جیاواز بوون بەتایبەت دوای ئەوەی كچان توانیان بگەنە پلەوپایە و پۆست و هەروەها خوێندنی زانكۆ و باڵا تەواو بكەن .
بۆچی لە ئێستادا تەمەنی سییەكان بۆ هاوسەرگیری بە نمونەیی دەزانرێت؟


چەند هۆكارێك هەیە  كە تەئكید دەكەنەوە دەبێت چاوەڕێی سی ساڵی بكەیت بۆ ئەوەی  هاوسەرگیری بكەیت و خێزان پێكبهێنیت.


چەند هۆكارێكی جیاواز هەن لەسەر بڕیاری درەنگ ئەنجامدانی هاوسەرگیری، بەڵام سەرەڕای ئەو هۆكارانە هێشتا كچان حەز دەكەن زوتر هاوسەرگیری بكەن ئەوەش لەترسی قەیرەیی و منداڵنەبونە، بەڵام هەموو ئەم شتانە لەگەڵ گۆڕانكاریەكان گۆڕان.


لە ئێستادا كچان دەچنە زانكۆ و خوێندنی باڵا دەخوێنن، هەروەها ئافرەت بۆتە ئەندامێكی كاریگەری بازاڕی كار كە گەیشتۆتە بەرزترین ئاست و تا رادەیەك سەربەخۆیی خۆی وەرگرتووە و هەڵبژاردەی زۆر لەبەردەست دایە و درەنگتر لە جاران پرۆسەی هاوسەرگیری ئەنجام دەدەن.


هەندێك جاریش دواكەوتنی هاوسەرگیری تا تەمەنی سییەكان پەیوەندی بە باری داراییەوە هەیە بەتایبەت لە كۆمەڵگا عەرەبیەكاندا  لەگەڵ گران بونی پێداویستیەكانی ژیان و كارەوە ژیان  و هەڵگرتنی بەرپرسیاریەتی خێزانی ئاسان نابیت .


هاوسەرگیری تا تەمەنی سییەكان یان زیاتر  مانای ئەوە ناگەیەنێت كە كێشە لەهەست و سۆزەكانی گەنجان و كچاندا هەبێت و ناشبێت وا مامەڵەی لەگەڵ بكەیت كە لەوانەیە ئەو كەسانە كەسانێكی عاقڵتر بن لەوانەی تر .


چونكە ئەو پەیوەندیانە زۆرن كە كەسەكان دەگەنە تەمەنی سییەكان، بەڵام پەیوەندیەكەیان پڕە لەهەست و سۆز و رۆمانسیەت بەتایبەت ئەو كەسانەی دەگەنە سییەكان  واتا گەیشتونەتە بەرزترین ئاستی گەشەی سۆزداری و دەتوانن باشتر مامەڵە لەگەڵ كێشەكاندا بكەن بە هەندێك كاتیش پێچەوانەشەوە هەندێك كات سەرەڕایی ئەو تەمەنە ناتوانن مامەڵە لەگەڵ كێشەكانیاندا بكەن و هێشتا لە عەقڵەوە ناتوانن بەباشی مامەڵە لەگەڵ پرۆسەكە بكەن .  

پێداچونەوە:ئەڤین



created by Avesta Group and powered by Microsoft Azure