پیاوێك ژنه‌كه‌ى سه‌رده‌بڕێت و دان به‌ نهێنییه‌كى سه‌یردا ده‌نێت

هەمەڕەنگ :: پێش 3 هەفتە ‌ :: 9779‌ جار بینراوە
dwarozh


دواڕۆژ، ئازوو محه‌مه‌د


پۆلیسی ئه‌فغانستان پیاوێكی 28 ساڵانى به‌ تاوانی كوشتنی هاوسه‌ره‌كه‌ی ده‌ستگیر كرد.

به‌ گوێره‌ی راپۆرتی پۆلیسی ئه‌فغانستان،  ئه‌و پیاوه‌ كاتێك هاوسه‌ره‌ گه‌نجه‌كه‌ی هه‌واڵی پێداوه‌ نه‌زۆكه‌ و ناتوانێت منداڵی ببێت، به‌ چه‌قۆ هێرشی كردووه‌ته‌ سه‌ری و پاش برینداركردنى سه‌رى بڕیووه‌.
  
ئه‌و تاوانباره‌ له‌ دانپێدانه‌كانیدا وتوویه‌تى:  "كاتێك هاوسه‌ره‌ 23 ساڵانه‌كه‌م پێی وتم: منداڵى نابێت، پێم وت: جیا ده‌بینه‌وه‌، به‌ڵام ئه‌و قبووڵی نه‌كرد و دوای شه‌ڕ و ده‌مه‌قاڵه‌یه‌كی قورس توڕه‌ بووم و به‌ چه‌قۆ هێرشمكرده‌ سه‌رى". 

ئه‌و پیاوه‌ ئه‌فغانیه‌ دوای كوشتنی هاوسه‌ره‌كه‌ی  به‌ چه‌قۆ خوێناوییه‌كه‌یه‌وه‌، چووه‌ ماڵی باوكی هاوسه‌ره‌كه‌ی و هه‌واڵی كوشتنی كچه‌كه‌یانی پێ وتوون.

پ: ئا.ح



created by Avesta Group and powered by Microsoft Azure