نهێنی تەمەن درێژی ئاشکرابوو

تەندروستی :: پێش 3 هەفتە ‌ :: 3995‌ جار بینراوە
dwarozh


دواڕۆژ
زۆربەمان ئەو پرسیارەمان لا دروست دەبێت كە بۆچی هەندێك كەس سەرەڕای ئەوەی ستایلی ژیانیان تەندروست نیە كەچی 90 ساڵی و بگرە 100 ساڵیش تێ دەپەڕێنن.

توێژینەوەیكی تازەی یابانی ئەم نهێنیەیی ئاشكرا كرد، لەو توێژینەوەیدا خانەی جەستەی 7 كەسی بەساڵاچوو كە تەمەنیان لە 110 ساڵ زیاتر بوو بەراورد كرا بە خانەی جەستەی خەڵكانی دیكەی نێوان 50 بۆ 89 ساڵ.

پاش پشكنینی خانەكان زاناكان بۆیان دەركەوت نهێنی تەمەن درێژی پەیوەندی بە ستایلی ژیانەوە نیە كە زۆربەمان وای بۆ دەچین بەڵكو پەیوەستە بە سروشتی سیستمی بەرهەڵستیانەوە.

سیستمی بەرهەڵستی جەستەی خەڵكی بەساڵاچوو جیاوازە لە سیستمی جەستەی خەڵكانی دیكە.

جیاوازیەكەش ڕێك لە ناو خڕۆكە سپیەكاندایە. بە دیاریكراوی لەو خانانەدا كە لە شێوەی پیتی T  كەپیتاڵی ئینگلیزی دەچێت. زاناكان بۆیان دەركەوت ئەو جۆرە خانانە لە خەڵكە بەساڵاچووەكاندا ڕاستەخۆ هێرش دەكەنە سەر ڤایرۆسەكان و خانە شێرپەنجەییەكان. بەڵام لە كەسانی ئاساییدا بەو شێوەیە هێرش ناكەن.

پێشتریش توێژینەوەیكی دیكە دەریخست كە خەڵكانی بەساڵاچوو جەستەیان بە جۆرێكە كە زووتر و باشتر دەتوانن خۆیان ڕابهێنن لەگەڵ نەخۆشیەكانی دڵ و شێرپەنجە و ئەوانی دیكەدا . ئەم بەساڵاچووانە مەرج نیە شێوازی ژیانیان لە ڕێگەیەكی تەندروست بەڕێ كردبێت و خۆیان پاراستبێت لە خواردنەوەی خواردنەوە كحولیەكان و جگەرەكێشان بەڵام لە هەموویاندا ئەوە تێبینی كراوە كە بە درێژای ژیانیان تەندروست بوون. 

 

پ: ر.ف



created by Avesta Group and powered by Microsoft Azure