دزێک تازە بووکێک سەردەبڕێت

هەمەڕەنگ :: پێش 4 هەفتە ‌ :: 731‌ جار بینراوە
dwarozh


دواڕۆژ،ئازوو محەمەد

گەنجێکی ئێرانی بەمەبەستی  دزینی ئەو کەلوپەل و زێڕانەی بۆ رۆژی هاوسەرگیرییەکەی بۆیان کردبوو، هاوسەری یەكێک لە هاوڕێکانی سەربڕی.

رووداوەکە بەم شێوەیە بووە، دوای دروستبوونی دەنگ و هاوار لە شوقەکەدا پۆلیس گەیشتۆتە شوێنی رووداوەکە و دوای پشکنین تەرمی ژنێکی 18 ساڵیان بە ناوی ساناز بە سەڕبردراوی دۆزیوەتەوە کە ماوەیەکی کەم بووە هاوسەرگریی کردووە.

 دواتر پۆلیس پەیوەندی بە میلادی 26 ساڵان هاوسەری سانازە وە كردووە،  دوای ئەوەی لێكۆڵینەوەی لەگەڵ کراوە، بە پۆلیسی راگەیاندووە،  لەگەڵ برای هاوسەرەكەی بە یەكەوە كاردەكەن و  بەیانی زوو لەگەڵ ئەودا چوونەتە سەر كاری بیناسازی.

دوای گەڕان بە ماڵەكەدا و لێكۆڵینەوەكان  دەركەوت،  كەسی بكوژ  حەمید هاوڕێی نزیكی میلاد بووە كە دوو شەو پێشتر لە ماڵەكەیاندا میوان بووە و ئاگاداری خراپبوونی قوفڵی شوقەكە و كاتی لەماڵ بوونی هاوڕێكەی و هاوسەرەكەی بووە، و لە پەنجەرەوە چووەتە ناو ماڵەكە، بەڵام لەگەڵ سانازدا رووبەروو بووەتەوە.

  دواتر لە نێوانیان شەڕ و دەمەقاڵی روویداوە و حەمید بە چەقۆ ملی سانازی لێكردوتەوە و دوایش كەمێك لە زێڕەکانی و بڕێك پارە وكۆمەڵێك شتی گرانبەهای ماڵەكەی دزیوە  و لە پەنجەرەی ماڵەکەوە  رۆیشتۆتە دەرەوە.

پێداچوونەوە:ئەڤین



created by Avesta Group and powered by Microsoft Azure