شتێکی سەیر لە لووتی کەسێک دەردەهێنن

هەمەڕەنگ :: پێش 4 هەفتە ‌ :: 354‌ جار بینراوە
dwarozh


دواڕۆژ


لە حاڵەتێكی دەگمەندا گەنجێكی تەمەن سی ساڵان  بەرێكەوت دەزانێت لەناو لوتیدا ددانێكی هەیە، دوای ئەوەی لە هەفتەی رابوردوو دەچێتە نەخۆشخانە بەهۆی ئەوەی ماوەی سێ مانگە توشی لوت گیران بووە  و لەوێ‌ پزیشكەكان پێی دەڵێن كە ددانێك لەناو لوتیدا هەیە.

رۆژنامەی دەیلی مەیلی بریتانی بڵاویكردەوە: ئەو نەخۆشە ناوی چانج بینشنجە و نیشتەجێی شاری هاربینە لە باكوری رۆژهەڵاتی چین و لەم دوایانەدا زانیویەتی ئەو لوت گیرانەی بەدەستیەوە دەناڵێنێت بەهۆی ددانێكەوە بووە كە لەناو لوتیدا هەیبووە و دەڵێت: لە تەمەنی 10 ساڵیدا توشی رووداوێك بووە و لەو رووداوەدا ددانێكی دەشكێت، بەڵام نازانیت كە چۆتە ناو لوتیەوە.

ئەو رۆژنامەیە راپۆرتێكی دەربارەی ئەو حاڵەتە بڵاوكردۆتەوە و دەڵێت: ئەمە حاڵەتێكی دەگمەنە.

پسپۆرانی ئەو بوارە دەڵێن هەتا ئێستا 23 حاڵەتی لەم شێوەیە هەبووە كە لە نێوان ساڵەكانی 1959 بۆ 2008 تۆمار كراون.
ناوبراو دوای ئەوەی لە نهۆمی سێیەمی مۆڵێكی بازرگانی لە ساڵی 1999 دەكەوێتە خوارەوە و برینداردەبێت ،بەڵام  هیچ كێشەیەكی لوتی نابێت.

بەڵام  سێ مانگ  لەمەوبەر توشی لوت گیران دەبێت و كێشەی هەناسەدانی بۆ دروست بووە و نەیتوانیوە بە باشی بخەوێت و هەستی بە بۆنێكی نامۆ كردووە لە لوتیدا  و دوای سەردانی نەخۆشخانە و گرتنی تیشك بۆ لوتی پزیشكەكان پێیان راگەیاندووە  كە ددانێك لەناو لوتیدا هەیە.

پزیشكەكان توانیان ددانەكە لە لوتی دەربهێنن  كە درێژیەكەی نزیكەی یەك سانتیمەتر بووە و نەشتەرگەریەكەی ماوەی 30 خولەكی خایاندووە  و بەم زوانەش لە نەخۆشخانە دێتە دەرەوە.

 پێداچونەوە:ئەڤین



created by Avesta Group and powered by Microsoft Azure