دوای ئەم کاتە هیچ خواردنێک مەخۆن

هەمەڕەنگ :: پێش 3 هەفتە ‌ :: 803‌ جار بینراوە
dwarozh


تاگ :: هەمەڕەنگ

دواڕۆژ
تەنها  جۆری خواردن نییە كە مەترسی توشبون بە نەخۆشی دڵت زیاد دەكات، بەڵكو توێژەران دەڵێن  ئەو كاتەی خواردنەكەی تێدا دەخوێت مەترسی  توشبوون بەنەخۆشیەكانی دڵ زیاتر دەكات .

توێژینەوەیەكی نوێی زانكۆی كۆڵۆمبیا ئاشكرای دەكات ئەو ژنانەی دوای كاتژمێر شەشی ئێوارە نان دەخۆن زیاتر توشی نەخۆشیەكانی دڵ دەبن كە هۆكاری سەرەكی  مردنە لەهەموو جیهان.

 توێژەرانی ئەو توێژینەوە دەڵێن: خواردنی دوای كاتژمێر 6ی ئێوارە توش بوون بە ئەگەری نەخۆشیەكانی دڵ زیاتر دەكات، چونكە دەبێتە هۆی بەرزبونەوەی پەستانی خوێن  و كۆنترۆڵكردنی شەكرە كەمتر دەبێتەوە.

 زانایانی زانكۆی كۆڵومبیا دەڵێن:  دیراسەی ئەنجامی 112 ژنی بەشداربویان كردووە  كە پێش كاتژمێر 6 نانیان خواردووە  و دەركەوتووە كەمتر مەترسی ئەگەری توشبونیان بەنەخۆشیەكانی دڵ لەسەر بووە.

لەو توێژینەوەیەدا هاتووە: ئەو كەسانەی پابەندن بە نەخواردنی خواردن لە درەنگانی شەودا كەمتر توشی نەخۆشیەكانی دڵ و مێشك دەبنەوە.

ئەنجامەكانی ئەو توێژینەوەیە ئاشكرای دەكەن خواردنی ژەمە خواردن لەدوای كاتژمێر شەشی ئێوارە تەندروستی دڵ تێك دەدات و  ئەو ژنانەی یەكەی گەرمی زیاد لە پێویست دەخۆن  توشی پەستانی بەرزی خوێن بوون و كێشیان زیاتر دەبێت و ناتوانرێت كۆنتڕۆڵی رێژەی شەكرە لە خوێنیاندا بكرێت  كە هەموو ئەم نیشانانە مەترسیان لەسەر تەندروستی دڵ هەیە .

توێژەرانی زانكۆی هارڤارد دەڵێن: ئەو ژنانەی ژمە خواردنێكی سوك لەنیوە شەودا دەخۆن،  مەترسی توشبونیان بەنەخۆشیەكانی دڵ بەرێژەی 55% لە پیاوان زیاترە كە هیچ خواردنێك بە شەوان ناخۆن .  

پێداچوونەوە:ئەڤین

بڵاوکردنەوە: س.ن



created by Avesta Group and powered by Microsoft Azure