بەم رێكارە پشووی زیاتر بدە بە مێشكت

هەمەڕەنگ :: پێش 2 هەفتە ‌ :: 372‌ جار بینراوە
dwarozh


دواڕۆژ

توێژەرانی هەرسێ‌ زانكۆی ئۆریگۆن و تینیسی و سیراكرۆزی ئەمریكی سەلماندویانە كە مرۆڤ ئەگەر رۆژی 10 خولەك راهێنان و مەشقی ئەقڵی بكات، وای لێدێت وەك ئەوە وابێت 44 خوولەكی زیاتر خەوتبێت هەرچەندە بێداریش بێت.

توێژینەوەكە لەسەر كۆمەڵێك بزنسمانی زۆر سەرقاڵ ئەنجام درا، كە كاتی پێویستیان بەدەستەوە نەبووە بۆ خەوتن و هەمیشە هەستیان بە ماندویەتی زۆر كردووە. توێژینەوەكە سەلماندی كە مەشق و راهێنانی ئەقڵی رێگەیەكی زۆر باشە بۆ قەڵاچۆكردنی هەستكردن بە ماندویەتی لای ئەو خەڵكە سەرقاڵەوە.
توێژینەوەكە لە گۆڤارێكی تایبەتدا بە بواری بازرگانی بڵاوكراوەتەوە و دەڵێت خەوتن و بێداریی دوو فاكتەرن قەرەبووی یەكتریی دەكەنەوە، واتە ئەگەر یەكێكیان زیاتر بەكار بهێنیت چالاكیی ئەویدیكەیان كەمدەبێتەوە.
سەرۆكی توێژینەوەكە دەڵێت دەتوانرێت ئەو راهێنانە هەفتەی یەك جار ماوەی 70 خوولەك ئەنجام بدرێت یان دابەش بكرێت بەسەر رۆژەكانی هەفتەدا و رۆژی 10 خوولەك بێت. لە ئەنجامدا وەك ئەوە وایە 44 خوولەك زیاتر خەوتبیت. 
مەشق و راهێنانە ئەقڵییەكان بریتین لە رامان و رێكخستنی هەناسەدان و حەوانەوە و جەختكردنە سەر ئەو هەست و سۆز و بیرۆكانەی كە دەتەوێت بە باشی بەڕێوەیان ببەیت.

پ: ر.ف



created by Avesta Group and powered by Microsoft Azure