چیرۆکی ژنێکی داعشی هەرا دەنێتەوە

هەمەڕەنگ :: پێش 4 هەفتە ‌ :: 1242‌ جار بینراوە
dwarozh


تاگ :: هەمەڕەنگ

دواڕۆژ


لەم دواییەدا ژنێکی جەزائیری ئەڵمانی بەتۆمەتی چوونە ریزی داعش و بەکۆیلەکردنی سێ کچی ئێزدی لە سوریا تاوانبارکرا.

 
بەپێی رۆژنامەی دەیلی مەیل رۆژی چوارشەممە سارەی تەمەن 21 ساڵ لە دادگایەک لە دۆسڵدۆف دادگاییکرا و دادوەر رازی نەبوو رووخساری دەربکەوێت لەبەر ئەوەی ئەو کاتەی تاوانەکانی ئەنجامداوە تەمەنی تەنیا 16 بۆ 19 ساڵبووە.


دەوترێت ساڵی 2013 سارا چووەتە ریزی داعش و لەوێ هاوسەرگیری لەگەڵ ئەندامێکی رێکخراوە تیرۆرستیەکە کردووە، ئەم کچە وەک پاسەوانێک لە ناوچەکانی داعش کاریکردووە و سێ کچی ئێزدی گرتووە و لەماڵەکەیدا وەک کۆیلە کاری پێ کردوون.


بەپێی وتەی لێکۆڵەرەوەکان سارە لە تەمەنی 15 ساڵیدا چووەتە ریزی داعش و هاوسەرگیری لەگەڵ داعشێکی بەڕەچەڵەک ئەڵمانی کردووە و سێ منداڵی لێ خستووەرەوە، هەروەها بەردەوام لە رێگەی ئینتەرنێتەوە هەوڵیداوە خەڵکی بهێنێتە ریزی داعش تاکو ئەو رۆژەی دەستگیرکراوە.

وەرگێڕان:‌هێڤی فەرهاد

پ.س.ن



created by Avesta Group and powered by Microsoft Azure