هەفتەی یەک جار خواردنی ماسی چی بەسەر جەستەی منداڵدا دەهێنێت

تەندروستی :: پێش 2 هەفتە ‌ :: 1101‌ جار بینراوە
dwarozh


تاگ :: تەندروستی

دوارۆژ

توێژینەوەیەكی نوێی نەرویجی تایبەت بە منداڵانی تەمەن یەك ساڵ ئاشكرای دەكات خواردنی ماسی یەكجار لە هەفتەیەكدا مەترسی توشبوون بە ئەكزیما و رەبۆ لە قوناغی منداڵی كەم دەكاتەوە.

 
ئەو توێژینەوەیە ژمارەیەك توێژەری زانكۆی نەرویج بۆ زانست و تەكنەلۆجیا ئەنجامیانداوە و بڵاویان كردۆتەوە.
بۆ بەدەست هێنانی ئەنجامەكان توێژەرەكان پشكنینیان بۆ هەستیاری ئەو منداڵانە كردووە و زیاتر لە 4 هەزار خێزان بەشداریان تێدا كردووە,  بۆ ئەوەی پەیوەندی نێوان خواردنی ماسی و پاراستنی ئەكزیما و رەبۆ و پەتا بدۆزنەوە.

توێژەرەكان حاڵەتی ئەو منداڵانەی كە تەمەنیان لەنێوان ساڵێكدایە و بەلایەنی كەمەوە هەفتەی جارێك ماسی دەخۆن هەتا تەمەنیان بۆتە دوو ساڵ بەراوورد كردووە لەگەڵ ئەو منداڵانەی كەمتر ماسی دەخۆن.
ئەنجامەكان ئاشكرایان كردووە  ئەو منداڵانەی بەلایەنی كەمەوە هەفتەی جارێك ماسیان خواردووە  پارێزراوتر وبوون لە نەخۆشی ئەكزیما و رەبۆ و تا و رێژەی خۆ پارێزیشیان لەنێوان 28% بۆ 40% بووە.
میلانی رای سیمبسون  بەرپرسی توێژینەوەكە دەڵێت:" خواردنی ماسی بەهەموو جۆرەكانیەوە سوودی تەندروستی باشی بۆ منداڵان هەیە, نەك تەنها ماسی چەوری بەڵكو سەلەمون و ماكریل یش زۆر بەسوودە.
هەروەها وتیشی خواردنی ماسی لە یەكەم ساڵی تەمەندا مەترسی ئەكزیما و رەبۆ و تا كەمتر دەكاتەوە.
رەبۆ / نەخۆشییەکی درێژ  خایەنی هەناسەدانە و بەهۆی هەبوونی هەوكردن و كرژبوونی رێڕەوە هەوایەكان دروست دەبێت كە دەبێتە هۆی گیرانیان و تووشی منداڵ دەبیت لەهەموو قۆناغەكان دەبێتە هۆی هەناسەی توندی و كۆكە و قورسبوونی سنگ.
رەبۆ پەیوەندی بە نەخۆشییە هەستیارەكان هەیە و تووشی ئەو كەسانە و بەتایبەتی منداڵان دەبێتەوە كە بۆماوەیان هەیە ئەو هۆكارانەی دەبێتە هۆی ورووژاندنی تۆز و خۆڵ و پشیلە و مشك و سیسركە.
ئەكزیما نەخۆشییەکی پێستە بەهۆی هەوكردنی پێستەوە روودەدات و پەیوەندی بە زیادەی هەستیارییەوە هەیە و بەهۆی بوماوەیەوە تووشی مرۆڤ دەبێت هەروەها كەمی بەرگری و ژینگەش رۆڵی لە تووش بوون بەو نەخۆشییە هەیە  و دەبێتە هۆی هەستیاری لەش و ئاوسان و خوران و سووربوونەوە و وشكبوونەوەی پێست و قڵیشانی. 
ئەكزیما 15% هەتا 20% لەو نەخۆشیانەی پێستە كە لەسەر روخسار و پەلەكان دەردەكەوێت و لەهەموو تەمەنێكدا تووشی مرۆڤ دەبێت و زیاتر مناڵانی پێش تەمەنی خوێندن و بەساڵاچوان تووشی دەبن. 
 پ: پەری



created by Avesta Group and powered by Microsoft Azure