پەرستارە تووڕەكەی شەهرزاد بە هۆی ئەم كارە دەبێتە جێی رەخنە

دراما و سینەما :: 24/09/2019‌ :: 1440‌ جار بینراوە
dwarozh


دواڕۆژ، ئازوو محەمەد 

بڵاوبوونەەی گرتەیەكی ڤیدیۆیی شەقایق دڵشاد خانمە ئەكتەر و ومۆدێلی شۆخ و شەنگی ئێرانی و كارەكتەری پەرستارە توڕەكەی زنجیرە درامای ئێرانی شەهرزاد، بووەتە جێی رەخنەو قسە و باسی بینەران و لایەنگرانی ئەو خانمە شۆخ وشەنگە.

لەو گرتەیەدا  شەقایق دڵشاد  بە ئۆتومبێلێكی گرانبەها و لەگەڵ سێ پاسەوان بۆ بازاڕیكردن دەچێت بۆ مۆڵێك.
لایەنگران و بەكارهێنەرانی تۆڕەكۆمەڵایەتییەكان،  ئەو خانمە  دەدەنە بەر رەخنە و توانج و پێی دەڵێن، چ پێویست دەكان خانمێكی ئەكتەر و مۆدێل سێ پاسەوانی ببێت، و تەنانەت بۆ شوێنە گشتییەكان لەم بارودۆخە نالەبارەی ئابووری ئێراندا.
پێیشی دەڵێن: ئەو خانمە دەیتوانی ئەو پارەیەی بۆ پاسەوانە تایبەتەكانی تەرخانی كردووە، بۆ خوێندن و چارەسەری نەخۆشی منداڵانی هەژاری تەرخان بكردایە. 
ئەوەی زیاتر لەهەمووشتێك بووتە جێی رەخنە لەو خانمە، وڵامی ئەو بووە بەرامبەر بە پرسیار لە ئۆتۆمبێلە گرانبەها و پاسەوانەكانی، كە وتوویەتی، پارەم هەیە و حەزم لێیە بەم شێوە بەكاری بێنم، بوون و پێكەوتن، ئەمە عەیب نییە.
شەقایق دڵشاد، ئەكتەر، مۆدێل و راهێنەری وەرزشی  لە ساڵی 1988 لە شاری تاران  لە ئێران لەدایكبووە.

 



created by Avesta Group and powered by Microsoft Azure