به‌م خۆراكانه‌ شۆڕبوونه‌وه‌ی ماسولكه‌كانت مه‌هێڵه‌

تەندروستی :: 21/09/2019‌ :: 2008‌ جار بینراوە
dwarozh


تاگ :: ئامۆژگاری

دواڕۆژ


ره‌نگه‌ هه‌وڵی دابه‌زاندنی كێش بده‌یت و بته‌وێت له‌شێكی رێك و جوانت هه‌بێت، به‌ڵام له‌گه‌ڵ وه‌رزشدا ده‌بینیت ماسولكه‌كانت بۆ نموونه‌ ماسولكه‌كانی قۆڵت شۆڕ ده‌بنه‌وه‌. 

 هۆكاره‌كه‌ش نه‌بوونی خۆراكی پێویسته‌، چونكه‌ رێجیمی باش بۆ دابه‌زاندنی كێش له‌ 30% وه‌رزش و 70% خۆراكی ته‌ندروست پێكهاتووه‌.

بۆ توندكردنه‌وه‌ی ماسولكه‌كانی له‌ش پێویستت به‌م خۆراكانه‌یه‌:

بێتا كارۆتینه‌كان كه‌ له‌ گێزه‌ر و سه‌وزه‌ و میوه‌ی تردا هه‌ن له‌دوای خواردنیان ده‌گۆڕێن بۆ ڤیتامین A ئه‌م ڤیتامینه‌ش یارمه‌تیده‌ره‌ بۆ دروستبوونه‌وه‌ی كۆلاجین كه‌ توندیی به‌ پێست ده‌به‌خشێت.

جگه‌ له‌ گێزه‌ر، ڤیتامین A له‌ خۆراكه‌كانی تری وه‌ك شیره‌مه‌نی و هێلكه‌دا هه‌یه‌.

جگه‌ له‌ ڤیتامین A، پێستێكی توند پێویستی به‌ ڤیتامین C ش هه‌یه،‌ چونكه‌ ئه‌ویش به‌شداره‌ له‌ دروستكردنه‌وه‌ی كۆلاجین.

توخمه‌كانی وه‌ك سیلینیۆم و زینكیش نه‌رمیی و كشان به‌ پێست ده‌به‌خشن، سیلینیۆم له‌ جۆره‌كانی چه‌ره‌س و ماسیدا هه‌یه‌ و زینكیش له‌ زۆر جۆر خۆراكیدا هه‌یه‌.

جگه‌ له‌ خۆراك، وه‌رزشی پێویست یارمه‌تیت ده‌دات گه‌شه‌ به‌ ماسولكه‌كانت بده‌یت و به‌وه‌ش ماسولكه‌كانت توند ده‌بنه‌وه‌.

پێداچوونەوە: ئارام غەفور

 

created by Avesta Group and powered by Microsoft Azure