داوای چارەسەركردنی گرفتەکانی كەشوهەوا دەكرێت

ژینگە :: 21/09/2019‌ :: 115‌ جار بینراوە
dwarozh


تاگ :: ژینگە

دواڕۆژ

خۆپیشاندانی جەماوەری لە زۆربەی وڵاتانی جیهان ئەنجامدرا و داوایان لەو سەرکردە سیاسیانە کرد کە بەشدارییان لە لووتکەی نەتەوەیەکگرتووەکان سەبارەت بە کەشوهەوا کردووە، هەنگاوێکی جدیی بنێن دەربارەی ئەو گۆڕانکارییانەی بەسەر کەشوهەوادا هاتووە.

ئەمە لەکاتێکدایە کە لە ماوەی رابوردوودا کۆمەڵێک گۆڕانکاریی چاوەڕواننەکراوە بەدوای یەکدا روویاندا، دیاترینیان توانەوەی بەفری سەر چیاکانی گرینلاند و گڕگرتنی دارستانەکانی ئەمازۆن بوو.

بەهۆی ئەو دیاردانەوە كە لە كەشوهەوای جیهاندا روودەدەن، خوێندکار و کرێکار و ژینگەپارێز و بەشێكی زۆری چین و توێژە جیاجیاكانی تر لە زۆربەی وڵاتانی جیهاندا خۆپیشاندانیان رێكخستووە و داوای دۆزینەوە و گرتنەبەری هەنگاوی بە پەلە دەكەن بۆ رووبەڕووبوونەوەی مەترسی ئەو گۆڕانکارییانە.

وە: ئاکۆ زەنگەنە

پ: ل. م



created by Avesta Group and powered by Microsoft Azure