زاناكان كوتانێكی ساڵانەیان بۆ نەخۆشی شەكرە دۆزیەوە

تەندروستی :: پێش 4 هەفتە ‌ :: 3592‌ جار بینراوە
dwarozh


دواڕۆژ

 

تیمێكی زانایانی كۆمپانیای  مدیسینس بریتانی كە كار لەسەر بەرەو پێشبردنی دەرمان دەكات، چارەسەرێكیان دۆزیەوە كە ساڵانە دووجار بەكار دێت بۆ كەمكردنەوەی رێژەی كۆلیستڕوڵ لەخوێندا.

زاناكان دەڵێن: ئەم كوتانە لەسەر 1600 كەس لەماوەی 18 مانگدا تاقیكراوەتەوە و ئەنجامی سەرسوڕهێنەری هەبووە لەدابەزاندنی رێژەی كۆلیستڕوڵ لەخوێندا  بۆ نیوە بێ ئەوەی هیچ نیشانەیەكی لاوەكی هەبێت.

 پزیشكەكان دەڵێن: نەخۆشەكان دەتوانن حەبەكانی ستاتینی رۆژانە بگۆڕن بۆ دەرزییەكی ساڵانە كە یارمەتی كەمبونەوەی توشبوون بە جەڵتەی دڵ و مێشكیش  هەیە.

ئیمبریال كولیدج، مامۆستای تەندروستی گشتی و راوێژكاری نەخۆشیەكانی دڵ لە لەندەن كوزیك رای لە كۆنگرەی كۆمەڵەی ئەوروپی بۆ نەخۆشیەكانی دڵ لە پاریسی پایتەختی فەرەنسا ڕایگەیاند: ئەو كوتانە چارەسەرێكی نوێ یە بۆ كۆلیستڕۆڵ و بە ئاسانی دەست دەكەوێت و لەبری بەكارهێنانی چارەسەری و دەرمانی رۆژانە لە ساڵێكدا یەك جار وەردەگیرێت.

وتیشی: لەدەسپێكدا كوتانەكە لەگەڵ حەبی ستاتین وەردەگیرێت و و یارمەتی چاكبونەوەی 700 هەزار كەس دەدات لە بریتانیا و لەدوو ساڵی داهاتوو دا كوتانەكە دەخەنە بازاڕاكانەوە.

لای خۆشیەوە مارك تیمنی سەرۆكی جێبەجێكاری كۆمپانیای مدیسینس ڕایگەیاند ئێمە بەجۆشین بۆ ئەم پێشكەوتنەی كە لە بواری چارەسەری نەخۆشیەكانی دڵ و خوێنبەرەكان  بەدەستمان هێناوە.  

پێداچوونەوە:ئەڤین



created by Avesta Group and powered by Microsoft Azure