15رەفتاری رۆژانە لە شێرپەنجە دەتپارێزێت

تەندروستی :: 7 رۆژ پێش ئێستا‌ :: 647‌ جار بینراوە
dwarozh


تاگ :: تەندروستی

دواڕۆژ

شێرپەنجە یەكێكە لەو نەخۆشیانەی جیهان لێی دەترسێت بەڵام پزیشكان پێیان وایە لەرێگای خۆپاراستنەوە, چوار تووشبوو لە 10 حاڵەتی ئەو نەخۆشیە رزگاریان دەبێت.

 
رۆژنامەی دەیلی میرەری بریتانی لیستێكی دەربارەی چۆنیەتی رەفتاری رۆژانە ئامادەكردووە كە هەندێك بە رۆتینی دەزانێت بەڵام رۆڵێكی گەورەی هەیە لە خۆپاراستن بەتووشبوونی نەخۆشی شێر پەنجە.
پێبكەنە 
زۆر دەڵێن پێكەنین باشترین چارەسەرە, و توێژینەوە زانستییەكان ئەوەیان سەلماندووە چونكە پێكەنینی لە دڵەوە سیستمی بەرگری بەهێز دەكات و هۆڕمۆنەكانی دڵەڕاوكێی كەم دەكاتەوە وا دەكات لەش شانەی( تائی) دروست بكات كە رووبەڕووی شێرپەنجە دەبێتەوە.
رۆیشتن 
هەمووان بۆ ماوەی چەند كاتژمێرێكی درێژ كار دەكەین و بەرامبەر كۆمپیوتەر دادەنشین، توێژینەوەكانی پێشوو ئاشكرایان كردووە دانیشتن بۆ ماوەیەكی زۆر  ئەگەری تووشبوون بەنەخۆشی شێرپەنجە زیاد دەكات  بەتایبەتی شێرپەنجەی منداڵدان و ریخۆڵە و سییەكان, ئەو مەترسییە بەرز دەبێتەوە و دەگاتە 10%  ئەگەر دوو كاتژمێر لەسەر یەك دانشیت.
كەمكردنەوەی شەكر 
كەش و هەوای گەرم وات لێ دەكات ئایسكرێمی زۆر بخۆیت بەڵام هەوڵ بدە ئەم حەزەت پشت گوێ بخەیت نەك تەنها بۆ ئایس كرێم بەڵكو هەموو شیرینیەكان چونكە توێژینەوەكان ئاشكرای دەكەن بەرزبوونەوەی ئاستی شەكر هۆكاری سەرەكی تووشبوونە بە نەخۆشی شێرپەنجە بە پێی رێكخراوی تەندروستی جیهانی.
دەستەكانت لەكاتی شوشتندا بپارێزە 
زۆر كەس پێیان وایە پاك راگرتنی ماڵ كلیلی سەرەكی خۆپاراستنە لە نەخۆشی و میكرۆبەكان, بەڵام هەندێك لە پاككەرەوەكانی ماڵەوە مادەی كیمیایی ژەهراویان تێدایە  كە دەبێتە هۆی نەخۆشی شێرپەنجە و پێویستە خۆت لەو مادانە بەدووربگریت كە لەڕێگەی پێستەوە دەچێتە ناو لەشی مرۆڤ بەتایبەت ئەگەر دەستكێش لەدەست نەكەیت.
خواردنەوەی قاوە
پێویستە رۆژانە بڕێكی باشی میوە و سەوزە بخۆیت بەڵام توێژینەوەكان ئاشكرایان كردووە ئەوانەی پێنج كوپ قاوە یان زیاتر لەرۆژێكدا دەخۆنەوە كەمتر و بەڕێژەی 40% تووشی نەخۆشی شێرپەنجەی مێشك دەبنەوە بەبەراوورد لەگەڵ ئەوانەی قاوە ناخۆنەوە هەروەها خواردنەوەی قاوە ئەگەری تووشبوون بەنەخۆشی شێرپەنجەی دەم و قورگ كەم دەكاتەوە.
كوڵاندنی گۆشت 
برژاندنی گۆشت بەخەڵووز و لەپلەیەكی بەرزی گەرم چەند مادەی كیمیایی پەیوەندیدار بە شێرپەنجەوە دروست دەكات,  بەڵام زانایانی پەیمانگای ئەمریكی بۆ توێژینەوەكانی شێرپەنجە دەڵێن  ئەگەر گۆشتەكە بەئاوی خوێ داپۆشرێت گۆشتەكە نەگاتە ئاگرەكە و ئەوەش دەبێتە هۆی كەمبونەوەی مادە كیمیاییەكان كە دەبنە هۆی تووشبوون بەنەخۆشی شێرپەنجە.
خەوتن لەتاریكیدا 
هیچ شێك وەك ئەوە نییە كە لەتاریكیدا بخەوێت چونكە خەوتن لە شوێنێكی تاریكدا دەبێتە هۆی بەرزبوونەوەی هۆرمۆنە پێویستەكانی خەو میلاتونین كە دەبێتە هۆی گەشە نەكردنی هەندێك لە جۆرەكانی شێرپەنجە.
هەڵمژینی لەش بۆ تیشكی خۆر 
هەرچەندە هەمیشە ئامۆژگاریمان دەكەن كە كرێمی دژە خۆر بەكار بهێنین لەكاتی چوونە دەرەوەدا  بەڵام بەدەست كەوتنی 10 بۆ 15 خوولەك لە تیشكی هەتاو رۆژانە یارمەتی بەدەستكەوتنی ڤیتامین دی مان دەدات.
شێداری بپارێزە 
خواردنەوەی ئاوی زۆر سوودی زۆرە وەك لەدەست دانی كێش و جوان بوونی پێست،  توێژینەوەكان ئاماژە بۆ ئەوە دەكەن كە رێژەی ئاو لە لەشدا هۆكاری كەمبوونەوەی مەترسی توشبوون بە شێرپەنجەی میزڵدان كەمدەكاتەوە.
میوە و سەوزە سارد مەكەنەوە 
زۆربەمان میوە و سەوزە لەناو بەفرگر سەلاجە دادەنێین بۆ ئەوەی خراپ نەبێت و بۆ ماوەیەكی زۆرتر بمێنێتەوە بەڵام توێژینەوەكان ئاشكرایان كردووە كە میوەی سارد  ئەو مادانەی تێدا كەم دەبێتەوە كە دژە شێرپەنجەن بەبەراوورد لەگەڵ میوەكانی تر كە لە پلەی گەرمی ژوورەكە دانراون.
سەردانی پزیشكی دەدان 
 هەرچەندە پزیشكی دەدان ناتپارێزێت لەنەخۆشی شێرپەنجە بەڵام لەوانەیە ببێتە كلیلێك و زوو نەخۆشیەكە ئاشكرابكات, چونكە پشكنینە دەورییەكان وات لێ دەكات هەر شتێكی نائاسایی لەناو دەمت هەبیت ئاشكرابێت.
پاراستنی سەر لە تیشكی هەتاو
كرێمی دژی خۆر بەس نییە بۆ ئەوەی لە تیشكی هەتاو بتپارێزێت كە زیان بەخشە گرنگە ئەو جل و بەرگە لەبەری بكەیت گونجاو بێت بەتایبەت كڵاو, چونكە لەوانەیە شێرپەنجەی پێست تووشی هەر بەشێك بێت لە جەستە, توێژەران ئاشكرای دەكەن ئەوانەی تووشی شێرپەنجەی پێست بوون شێرپەنجەی پێستی سەر و مل دوو ئەوەندەی نەخۆشەكانی تری شێرپەنجە لە بەشەكانی تری جەستە گیان لەدەست دەدەن.
دووركەوتنەوە لە گۆشتی سوور
باشترە سیستمی خۆراكیت زۆر گۆشتی سووری تێدا نەبێت  بەتایبەت ئەگەر بتەوێت دەست بەرداری یەكێك لەهۆكارەكانی توشبوون بیت بەو نەخۆشییە  چونكە زیانی بۆ ریخۆڵەكان هەیە, و پسپۆران پێیان باشە لەهەفتەیەكدا تەنها 500 گرام گۆشت وەك گۆشتی مانگا بخورێت.
جووڵەی لەش 
پێویست ناكات یاخوود مەرج نییە سەردانی هۆڵەكانی وەرزش بكەیت بۆ ئەوەی تەندروستی دڵت بپارێزی بەڵكو دەتوانی رۆژانە 30 خوولەك لە راهێنانە مامناوەندییەكان بكەیت بۆ ئەوەی مەترسی تووشبوون بەو نەخۆشیە كەم بكەیتەوە, كە كارووبارەكانی ناو ماڵیش لەچوارچێوەی ئەو 30 خوولەكە دایە.
مۆمە بۆن خۆشەكەت بكوژێنەرەوە
هەمووان دەزانین جگەرە زیان بەخشە بەڵام دەشێت مرۆڤ هەمان زیانی جگەرەی بەركەوێت كاتێک بۆنی هەندێك لەمۆمە بۆن خۆشەكان دەكات كە لەگەڵ ئۆزۆن كارلەیەك دەكەن و مادەی فورمالدهاید درووست دەكات. 

پێداچوونەوە و بڵاوکردنەوە: پەری



created by Avesta Group and powered by Microsoft Azure