ئەو رووەکانەی چارەسەری بۆنی ناخۆشی دەم و جەستە دەکەن

هەمەڕەنگ :: پێش 3 هەفتە ‌ :: 1968‌ جار بینراوە
dwarozh


دواڕۆژ، ئازوو محەمەد


عارەق كردنەوەی لە رادەبەدەر بە تایبەت لە وەرزی گەرمادا جگە لەوەی كەسەكە بێزار دەكات، دەبێتە هۆی شەرمەزار بوونی لای كەسانی دیكە و تەنانەت دووركەوتنەوەی مرۆڤەكان لەو كەسانە.

بەكارهێنان و خواردنەوەی ئاوی ئەم رووەك و سەوزانە دەبێتە هۆی لەناوبردن و كەمكردنەوەی بۆنی ناخۆشی دەم و ددان و جەستە.

-دارچین، زیادكردنی دارچین بە خواردنەكان بۆنی ناخۆشی دەم و ددان و جەستەش لە ناو دەبات.

-زەیتی گوێزی هیندی، یەكێكە لە كاریگەرترین ماددەكان بۆ لەناوبردنی بۆنی ناخۆش، بە تایبەت ئەگەر رۆژانە  1بۆ2 جار دوای خۆشتن لە جەستە یان لە ژێر باڵ بدرێت.

-لیمۆ و  پرتەقاڵ و مزرەمەنییەكانی دیكە،  بۆ نەهێشتنی بۆنی ناخۆشی دەم بەیانیان یەك پەرداخ ئاوی لیمۆ بخورەوە و بۆ  بۆنی ناخۆشی جەستەش، پێش خۆشتن ئاوی لیمۆ بدە لە ژێر باڵ و ناوپێیەكانت، دوای وشكبوونەوە خۆت بشۆ.

-ئاوی مەعدەنووس: جگە لە خواردنی مەعدەنووس لەگەڵ ژەمە خواردنەكان، كوڵاندنی مەعدەنووس و خواردنەوەی ئاوەكەی جەستە لە ژەهرەكانە خاوێن دەكاتەوە و بۆنی ناخۆشی جەستەش ناهێڵێت.

-نەعنا، جگە لەوەی ئازارشكێنێكی بە هێزە، هاوشێوەی مەعدەنووس، بۆنی دەم و ددان خۆش دەكات و بە هەرشێوەیەكیش بەكاربێت بۆنی ناخۆشی جەستە لە ناو دەبات.
پێداچونەوە:ئەڤین



created by Avesta Group and powered by Microsoft Azure