تەكنیكێكی نوێ: لەڕێگەی عەرەقكردنەوە باری تەندروستیت بزانە

تەندروستی :: 24/08/2019‌ :: 412‌ جار بینراوە
dwarozh


تاگ :: تەندروستی

دواڕۆژ

زۆر كات پشكنین لە رێگەی خوێن یاخود هەندێك لە ئەندامانی لەش دەكرێت بۆ چاودێریكردنی رەوشی تەندروستی مرۆڤ، بەڵام هیچ كات بە مێشكتدا هاتووە عەرەق کردنەوە ببێتە ئامڕازێك بۆ ئاشكراكردنی باری تەندروستیت.

توێژەران داهێنانێكی نوێیان كردووە لە رێگەی ئامێرێكی هەستیارەوە كە دەتوانێت شیكاری بۆ تەندروستیت بكات لە رێگای ئەو عەرەقەی دەیكەیتەوە دەتوانیت ئەو هەستەوەرە لەبەر بكەیت و هێمای كەمی ئاو و ئاستی هیلاكی جەستە و  پێكهاتەی سۆدیۆم و پۆتاسیۆمت پێ دەڵێت لە لەشدا.

بۆ جێبەجێكرددنی ئەم توێژینەوەیە بەشێوەیەكی سەركەوتوو توێژەران ئەو ئامێرەیان لە چەند بەشێكی جیاوازی جەستەی خۆبەخشەكان داناوە و پێیان وتراوە كە هەندێك جووڵە و ڕاهێنان بكەن بۆ ئەوەی عارەق بكەنەوە و سۆدیۆم و پۆتاسیومی لەشیان دەربدەن, و دەركەوتووە لەكاتی راهێنانەكان رێژەیەكی زۆری ئاو لە لەشدا لەدەست دەدەن.
ئەو ئامێرە لە چەند لولەیەكی مەجهەری و شلەیەك پێك دێت كە پشكنین بۆ عەرەقی گیان دەكات, هەروەها خێرایی عەرەق كردنەوەكە تۆمار دەكات و بەمەش زانیاری بەكارهێنەرەكە لەڕووی چەندایەتی عەرەقەوە دەدات. 

چۆن بەشێوەیەكی سروشتی كۆنتڕۆڵی عارەقكردنەوە دەكەیت 
دەتوانیت ئەم ئامۆژگاریانە پەیڕەو بكەیت 
1- خواردنی تیژ كەمبكەرەوە 
ئەو خواردنانەی دەوڵەمەندن بەبەهارات رێژەی عەرەق بە بۆنێكی تیژەوە زیاد دەكات هەروەها خواردنی زۆری سیر و پیاز و زەنجەفیل و قەڕنابیت رێژەی عەرەقكردنەوە زیاد دەكەن.
٢- جلەكانت بكەرە ناو سركەوە 
كاتێك جلەكانت دەشویت سۆدە و سركەی تێكەڵ بكە و جلەكانتی بۆ ماوەی چەند خولەكێك تێدا دابنێ بۆ ئەوەی لە بۆنی عارەق رزگارت بێت. 
٣- پاك و خاوینی ژێر باڵەكانت بپارێزە 
لەگەڵ بەرزبونەوەی پلەی گەرما رێژەی عارەقكردنەوە زیاد دەكات بۆیە هەمیشە پاكی بن باڵەكانت رابگرە بۆ ئەوەی بەكتریای عارەقكردنەوە و بۆنی عارەق دروست نەبێت.
٤- زەیتی دار چا بەكار بهێنە.
دانانی چەند دڵۆپەیەك لە زەیتی داری چا لەو شوێنانەی عارەق دەكاتەوە بەسوودە چونكە دژە بەكتریا و پاكەرەوەیەكی سرووشتی یە. 

پێداچوونەوە: پەری

بڵاوکردنەوە: رێباز



created by Avesta Group and powered by Microsoft Azure