لەساڵیادی هاوسەرگیریەکەیدا گیانی لەدەستدا... وێنەکەی ببینە

هەمەڕەنگ :: 24/08/2019‌ :: 1824‌ جار بینراوە
dwarozh


دواڕۆژ

ڕاهێنەرێكی نەرویجی بۆ هونەرە سەربازیەكان پیاوێكی لە پێش چاوی هاوسەرەكەی خنكاند كە سەرقاڵی ئاهەنگی 10 ساڵەی هاوسەرگیریان بوون، دوای ئەوەی پیاوە بریتانیەكە ناڕازیبونی خۆی لەسەر ئەو دەنگەدەنگە پیشانداوە كە ڕاهێنەرەكە لە ژورەکەی خۆی لەئوتێلەكە كردویەتی.

ڕۆژنامەی دەیلی مەیل بڵاویكردەوە ئیمیتبال سینج باجاج و باندنا بالگانی تەمەن 34 ساڵەی هاوسەر و كوڕە دوو ساڵانەكەی هەتا شەو درەنگ بەهۆی دەنگەدەنگی دراوسێ نەرویجیەكەیان لەناو ئوتێلەكە لە شاری فوكێت نەیانتوانیوە بخەون.

دوای ئاگاداركردنەوەیان پیاوانی ئەمنی ناو ئوتێلەكە چەند جارێك سەردانی روجر بولمانی تەمەن 53 ساڵیان كردووە كە ڕاهێنەر بووە كە دەنگەدەنگ كەم بكاتەوە بەڵام ئەو سور بووە لەسەر بەرزكردنەوەی دەنگی و وتنی گۆرانی بەدەنگێكی بەرز.

ئەمەش وای كرد كە پیاوە بریتانیەكە چەقۆ هەڵبگرێت و بچێتە ژووری ڕاهێنەرە نەرویجیەكە و ڕووبەڕووی بێتەوە.

بەڵام ڕاهێنەرەكە كە سەرخۆش بوو ڕەتیكردەوە دەنگی نزم بكاتەوە و واز لە گۆرانی وتن بهێنێت و شەڕ لەنێوانیانا دروست بوو.

بولمان بە پۆلیسی ڕاگەیاندوە كە یەكەمجار سینج  هێرشی كردوەتە سەر و چەقۆیەكی لەشانی چەپی داوە و دواتریش ئەو هونەری بەرگریكردن لەخۆی بەكارهێناوە و لە پێش چاوی هاوسەرەكەی هەتا مردن خنكاندویەتی.

لەدانپێدانانەكەیدا بولمان ڕایگەیاندوە كە ئەو تەنیا بەرگری لەخۆی كردوە و نەیویستوە بیكوژێت.  

پ: رێباز



created by Avesta Group and powered by Microsoft Azure