ئەم ژنانە نابێت دوای نان خواردن چا بخۆنەوە

تەندروستی :: 14/07/2019‌ :: 6243‌ جار بینراوە
dwarozh


دواڕۆژ، ئازوو محەمەد
كەمخوێنی بە هۆی كەمبوونی ماددەی ئاسن لە جەستەدا،  یەكێك لە بەربڵاوترین نەخۆشییەكانی ژنانە و بەگوێرەی ئامارەكان 30% ژنانی دووگیان، و 30% كچان لە تەمەنی گەشە و پێگەشتوویی تووش نەخۆشی كەمخوێنی دەبن.

پسپۆڕانی تەندروستی دەڵێن: زوو ماندووبوون، بێ هێزی و بێ تاقەتی، سەر ئێشە، سەر لە گێژەوە هاتن، رووتانەوەی قژ، وشكبوونی دەم، تەزینی دەست و قاچ، كێشە لە هەناسەدان لە نیشانەكانی كەمخوێنی و لە ئەنجامی كەمبوونی مادەی ئاسندان.
چا یەكێك لە خواردنەوانەیە كەلە پێكهاتەكەیدا ماددەی (تانن) هەیە  كە دەبێتە هۆی لەناوچوونی ماددەی ئاسن لە خواردنەكاندا، بۆیە ئەم ژنانە نابێت دوای خواردنی ژەمەكان چا بخۆنەوە:

ژنانی دووگیان
 ئەو كچانەی لە تەمەنی گەشە و پێگەشتووییدان
ژنان و كچان لە كاتی سوڕی مانگانەدا
ژنانێك كە چوونەتە تەمەنی بێ ئومێدی

پێداچونەوە:ئەڤین



created by Avesta Group and powered by Microsoft Azure