بۆچی کچەکانی ڤاتیکان دیارنەمان؟

هەمەڕەنگ :: 12/07/2019‌ :: 1650‌ جار بینراوە
dwarozh


تاگ :: هەمەڕەنگ

دواڕۆژ

ئیمانوێڵا ئۆرلاندی كچێكی ته‌مه‌ن 15 ساڵ خه‌ڵكی ڤاتیكان بوو له‌ ساڵی 1983 ئێواره‌یه‌ك ده‌ڕواته‌ ده‌ره‌وه‌ بۆ پڕۆڤه‌ی ئامێری فلوت و له‌ پاش ئه‌وه‌وه‌ دیار نامێنێت و بێ سه‌روشوێن ئه‌بێت، پاش 36 ساڵ دیار نه‌مانه‌كه‌ی هه‌ر به‌ نهێنییه‌ك ده‌مێنێته‌وه‌.


میرێلا گرێگۆری كچێكی دیكه‌ی 15 ساڵه‌ كه‌ 40 ڕۆژ پێش دیار نه‌مانی ئیمانوێڵا ئه‌ویش بێ سه‌رو شوێن بوو، ئه‌میش به‌ هه‌مان شێوه‌ دانیشتووی ڤاتیكان بوو، به‌ پێی به‌ڵگه‌كانی ده‌ست پۆلیس كه‌وتوون دیار نه‌مانی ئه‌م دوو كچه‌ په‌یوه‌ندییان به‌یه‌كه‌وه‌ هه‌یه‌.

نوێترین ڕووداو له‌م كه‌یسه‌دا له‌ ڕۆژی پێنجشه‌ممه‌ ڕوویدا ئه‌ویش نامه‌یه‌ك بوو كه‌ به‌ پارێزه‌ری خێزانه‌كه‌ی ئیمانوێڵا گه‌یشتبوو و له‌ نامه‌كه‌دا نووسرابوو:"ئه‌و شوێنه‌ی فریشته‌كه‌ ده‌ستنیشانی ده‌كات"، مانای ئه‌م نامه‌یه‌ ئاماژه‌دان بوو به‌ په‌یكه‌رێكی فریشته‌ كه‌ له‌ قه‌برسانێكی نزیك ماڵی كچه‌كه‌ بوو و په‌یكه‌ری فریشته‌كه‌ ئاماژه‌ی به‌ دوو گۆڕ ده‌كرد كه‌ دوو شازاده‌ی ئه‌ڵمانی تێدا نێژرابوون، پاش ئه‌وه‌ی گۆڕه‌كه‌یان هه‌ڵكه‌ند ده‌ركه‌وت هیچی تێدانه‌بوو.

گۆڕه‌كه‌ نه‌ ئێسكه‌كانی ئێمانوێڵا و كچه‌ 15 ساڵه‌كه‌ی دیكه‌ی تێدابوو، نه‌ ئێسكه‌كانی دوو شازاده‌ ئه‌ڵمانییه‌كه‌ی تێدابوو، كه‌یسه‌كه‌ تا دێت و سه‌یرتر ده‌بێت و خێزانی ئیمانوێڵا ته‌نها ده‌یانه‌وێت وه‌ڵامێك وه‌ربگرن سه‌رباره‌ت به‌وه‌ی كچه‌كه‌یان چی لێ هاتووه‌، به‌ڵام كه‌یسه‌كه‌ هه‌ر به‌ نهێنییه‌ك ماوه‌ته‌وه‌ تاوه‌كو ئێستا.


و:كێوان

created by Avesta Group and powered by Microsoft Azure