دارستانەکانی ئەمازۆن لەمەترسی لەناوچووندان

ژینگە :: پێش 2 هەفتە ‌ :: 227‌ جار بینراوە
dwarozh


تاگ :: ژینگە

دواڕۆژ


دارستانەکانی ئەمازۆن بەگەورەترین دارستانی جیهان دادەنرێت وە بەسەرچاوەیەکی زۆر پێویست دادەنرێت لە کەمکردنەوەی کاریگەری گەرم بوونی گۆی زەوی.   
                  
سیناتۆری ڕەسمی وڵاتی برازیل بە ناڕاستەوخۆی ڕایگەیاند کە حوکمەتی برازیل پشتگیری دەکات لە بڕینەوە و لە ناوبردنی دارستانەکانی ئەمازۆن بە پاکردنەوە و پاشان گۆڕینیان بۆ کێڵگەی ئاژەڵی وکشتوکاڵی، بە ڕێگەی بەکارهێنانی بلدۆزەر و ئامێری هەڵکەندنی دارەکانی دارستانەکان وە پاشان هەندێک لەدارەکان دەفرۆشن وە  زەویەکان پاک دەکرێنەوە بۆ کێڵگەی کشتوکاڵی. لە هەندێ ڕووبەری تری ئەم دارستانانەدا هەندێک لە خەڵکی داربڕەوە بەشێوەیەکی نائاسای دەستیان کردووە بە داتاشین و بڕینەوەی جۆری باشی دارەکان بۆ ئەوەی لە بازاڕی ڕەشدا بیانفرۆشن.                                                 

بە پێی ئەو ئامار و وێنانەی کە مانگە دەستکردەکان پیشانی دەدەن  بە تەنیا لە نیوەی ئەم ساڵدا زیادبوونێکی زۆر گەورە هەیە لە بڕینەوە و پاکردنەوەی دارستانەکانی ئەمازۆن، لەو کاتەوەی "جەیر بۆلسۆناڕۆ" وەک سەرۆکی برازیل دانراوە، وە بەپێی نوێترین شیکارییەکان بە تایبەتی لە دوو مانگی ڕابردوودا بەشێکی ئێجگار زۆری دارەکان لە ناو براون کە بە تێکڕا نزیکەی یەک هێکتار(١٠هەزار مەتردووجا) لە ڕووبەری زەوی دارستانەکانی ئەمازۆن پاکراونەتەوە لە هەر خولەکێکدا.


بەپێی ئامارە ڕەسمییەکان تەنیا هۆکاری سەرەکی لە ناوبردنی دارستانەکانی ئەمازۆن بۆ دروستکردنی کێڵگەی کشتوکاڵی و ئاژەڵییە کە بەکاریان دەهێنن بۆ بەخێوکردن و لەوەڕاندنی ئاژەڵی ڕەشە وڵاخ. لە دەساڵی ڕابردوودا حوکمەتی پێشووی بەڕازیل بڕیاریدا بە کەمکردنەوەی لەناوبردنی دارستانەکانی ئەمازۆن بە هەماهەنگی لەگەڵ هەردوو بریکارەکانی فیدڕاڵی وسیستەمی قەرەبوکردنەوە، بەڵام ئەم شێوازە گۆڕدرا لەلایەن "جەیر بۆلسۆنارۆ" سەرۆکی ئێستای بەرازیل و وەزیرەکانییەوە بە ڕەخنەگرتن لە سزادان و چاودێریکردنی ئەو کەسانەی بازرگانی دەکەن بە بڕینەوەی دارەکانەوە وە تۆمەتبارکردنیان بە نەپاراستنی ژینگە.                                                                                
کێشەکە لێرەوە دروست دەبێت، ئەم دارستانە گەورەیەی ئەمازۆن بڕێکی زۆر گەورە لە کاربۆن هەڵدەگرێت لە زیاتر لە بلیۆنیک لە دارەکانیدا بە کۆکردنەوەی زیاتر لە سەدان وە یان هەزاران ساڵ، وە لە هەر ساڵێکدا گەڵاکانی ئەم دارانە ڕێژەیەکی زۆر گەورەی دووەم ئۆکسیدی کاربۆن هەڵدەمژن، هەر لەبەر ئەمەیە ئەگەر ئەم دارستانانە لەناوببرێن ئەو ڕێژە زۆرەی دووەم ئۆکسیدی کاربۆن دەچێتە هەواوە بەمەش دەبێتە هۆی بەرزبوونەوەی پلەی گەرمی زەوی. دارستانەکانی ئەمەزۆن بە دەوڵەمەنترین دارستان دادەنرێنن کە جۆرەها زیندەوەری تێدا دەژین، کە دەتوانین بڵێن نشینگەی یەک لە سەر دەی هەموو جۆرەکانی ڕووەک و گژوگیا و ئاژەڵەکانە، وە ملیۆنێک لە خەڵکی ڕەسەنی ئەو ناوچەیە لەناو دارستانەکاندا دەژین کە بژێوی ژیانیان لەسەر ڕاوکردن و بەروبومەکانی ئەو دارستانانەیە. 

 

پێداچونەوە: پەری

پێداچوونەوە و بڵاوکردنەوە: سۆران نورەدین



created by Avesta Group and powered by Microsoft Azure