چەند رێگایەك بۆ ئارامكردنەوەی دڵەتەپە

تەندروستی :: 25/05/2019‌ :: 712‌ جار بینراوە
dwarozh


تاگ :: تەندروستی

دواڕۆژ

دڵەتەپە، بریتییە لە لێدانی خێرایی دڵ كە هەندێك جار وەكو لەرزێك لەناو قەفەزەی سینەدا هەستی پێدەكرێت، هەرچەندە بەشێوەیەكی گشتی دڵەتەپە حاڵەتێكی ترسناك نییە، بەڵام دەبێتە هۆی نیگەرانی و ترس و تەنانەت تێكدانی ژیانی رۆژانەی كەسەكەش.

سترێس و كەمبوونەوەی ئاو لە جەستە و وەرزشكردنی زۆر و دووگیانیی و خواردنی كافائین و هەندێك نەخۆشی درێژخایەن و بەكارهێنانی هەندێك دەرمان و جگەرە و نێرگەلە هۆكارە سەرەكییەكانی ئەم حاڵەتەن

رێكارە سروشتییەكان بۆ نەهێشتنی دڵەتەپە بریتین لە:
1- هەندێك رامان و یۆگا و خۆئارامكردنەوە زۆر كاریگەرن، قاچ لەسەر قاچ دابنیشە بە لوت هەناسە هەڵمژە و لە دەمەوە دەریكە و بەردەوام بە لەسەر ئەم كارە تا هەست بە ئارامبوونەوە دەكەیت.

پێویستە لەكاتی ئاسایشدا ئەم رێكارە پەیڕەو بكەیت. هەموو كاتژمێرێك جارێك دەست لەكار بكێشەرەوە و و پێنج هەناسەی قوڵ هەڵبمژە. بەمە مێشك و جەستەت ئارام دەبنەوە.

2- بە ئاوی سارد دەموچاوت بشۆ یاخود خاولییەك تەڕبكە بە ئاوی سارد و ماوەی نیو خولەك لەسەر دەموچاوت رایبگرە.

3- بكۆكە.

4- هەناسەت رابگرە و گوشار بێنە بۆ خۆت وەك كاتێك كە لەسەر ئاویت ئاو بخۆرەوە، چونكە هەندێك جار هۆكارەكە كەمی ئاو و خەستبوونەوەی خوێنە.

5- هاوسەنگكردنی ئەلیكترۆلایتەكانی جەستە. بۆیە خواردنی ئافۆكادۆ و مۆز و سپێناخ و سەوزی گەڵادار و شیرەمەنی و ماسی زۆر بەسوودن بۆت. 

پێویستە لەم خۆراك و ماددانە دووربكەویتەوە:

1- ئەو خواردن و خواردنەوانەی كافایینیان تێدایە.
2- خواردنەوە كحولییەكان.
3- دەرمانی كۆكە و هەڵامەت.
4- هەندێك دەرمانی وەك دەرماری فشاری خوێن و كەمی ئارەزووی خواردن و دەرمانی نەخۆشییە دەرونییەكان.
5- هەندێك جار رەنگە هۆكارەكە جۆرە خواردنێك بێت كە بە تاقیكردنەوە بۆت دەردەكەوێت و پێویستە خۆتی لێ‌ بپارێزیت.

رێگاكانی خۆپاراستن:
1- وەرزشكردن لانی كەم نیو كاتژمێر لە هەفتەیەكدا بەتایبەتی راكردن.
2- رێگریكردن لە بەرزبوونەوەی كۆلیسترۆڵ و چەورییە خراپەكان.
3- خواردنی زۆری میوە و سەوزەی تازە و دانەوێڵە و پڕۆتینی بێچەوریی.
4- وازهێنان لە جگەرە.
5- دابەزاندنی كێش.
6- كۆنترۆڵی گوشاری خوێن.
7- كۆنترۆڵی رێژەی شەكر لە جەستەتدا.

پ:ئەڤین

بڵاوکردنەوە: رێباز

created by Avesta Group and powered by Microsoft Azure