شێوه‌ی ورگت چی له‌باره‌ی ته‌ندروستیته‌وه‌ ده‌ڵێت؟

تەندروستی :: پێش 4 هەفتە ‌ :: 1446‌ جار بینراوە
dwarozh


تاگ :: تەندروستی

دواڕۆژ
ورگ ته‌نیا ئه‌وه‌ نییه‌ زۆر بێت یان كه‌م. به‌ڵكو چه‌ند جۆرێك ورگی جیاجیا هه‌ن و هه‌ریه‌ك له‌و جۆرانه‌ نیشانه‌ی حاڵه‌تێكی جیاوازی ته‌ندروستین.


1. ورگی ئاوساو: ئه‌گه‌ر به‌رده‌وام هه‌ست ده‌كه‌یت ورگت ئاوساوه‌، به‌تایبه‌تی له‌ كۆتایی رۆژدا، ئه‌وا دیاره‌ تۆ كێشه‌ی هه‌رسكردنت هه‌یه‌. ره‌نگه‌ له‌گه‌ڵ ئه‌م حاڵه‌ته‌دا قه‌بزی یان سكچوونیشت هه‌بێت. ئه‌گه‌ر وابێت، ئه‌وا گرنگه‌ خۆراكی ته‌ندروست بخۆیت و سه‌وزه‌ و چه‌ره‌س زیاد بكه‌یت و تا ده‌توانیت خۆت له‌ خواردنه‌وه‌ گازییه‌كان بپارێزیت. ئه‌گه‌ر ئه‌م حاڵه‌ته‌ به‌رده‌وام بوو سه‌ردانی پزیشك بكه‌.

2. شێوازی راوه‌ستانیش ره‌نگه‌ ببێته‌ هۆی ده‌ركه‌وتنی ورگ به‌ گه‌وره‌یی. كاتێك خۆت كه‌مێك كووڕ ده‌كه‌یته‌وه‌ ورگت گه‌وره‌تر ده‌رده‌كه‌وێت، هه‌ربۆیه‌ واباشه‌ به‌ڕێكی رابوه‌ستیت. ئه‌مه‌ش مانای وایه‌ هه‌ندێكجار ده‌ركه‌وتنی ورگ نیشانه‌ی نه‌خۆشی نییه‌، به‌ڵكو نیشانه‌یه‌ بۆ ناڕێكیی راوه‌ستان كه‌ دواجار ده‌توانێت ناڕه‌حه‌تی دروست بكات.

3. ئه‌گه‌ر ورگت له‌خوار ناوكه‌وه‌ گه‌وره‌یه‌ ئه‌وه‌ نیشانه‌ی ئه‌وه‌یه‌ چه‌وریی سكت زۆره‌ و ماسولكه‌كانت لاوازن. پێویسته‌ خۆراكی ته‌ندروست بخۆیت و وه‌رزشی به‌رده‌وام بكه‌یت. وه‌رزشه‌كانی وه‌ك وه‌رزشی له‌شڕێكی (فتنێس) و بۆكسێن و مه‌له‌كردن و یارییه‌كانی به‌هێزكردنی دڵ بۆ تواندنه‌وه‌ی چه‌وریی سك زۆر باشن.

4. ئه‌گه‌ر ورگت تێکەڵەیەکی شل و تونده‌ ئه‌وه‌ نیشانه‌ی ئه‌وه‌یه‌ ماسولكه‌ی باشت هه‌یه‌ به‌ڵام له‌گه‌ڵیشیدا بڕێك چه‌وریی له‌ ورگتدایه‌. ئه‌مه‌ زۆرجار له‌دوای دابه‌زاندنی بڕێكی زۆری كێشه‌وه‌ دروست ده‌بێت. به‌رده‌وام به‌ له‌و دابه‌زاندنی كێشه‌. بڕی كه‌می چه‌وریی ورگ ئه‌وه‌نده‌ زیانبه‌خش نییه‌ به‌ڵكو ته‌نانه‌ت بۆ پاراستنی ئه‌ندامه‌كانی ناوه‌وه‌ی له‌ش پێویسته‌.

و: س.ر 
پ: رێباز



created by Avesta Group and powered by Microsoft Azure