گەر رۆژانە زەردەچەوە بخۆیت چیت لێدێت؟

تەندروستی :: 7 رۆژ پێش ئێستا‌ :: 738‌ جار بینراوە
dwarozh


دواڕۆژ

زەردەچەوە یەكێكە لە بەهاراتە ناسراوەكان لە زۆربەی كۆمەڵگاكاندا رۆژ بەڕۆژ سوودی زیاتری ئەم پێكهاتە خۆراكییە دەردەكەوێت.

زەردەچەوە ماددەیەكی كیمیاوی تێدایە كە پێی دەوترێت كۆركۆمین و ئەم ماددەیە رەنگە زەردە تۆخەكەی بە زەردەچەوە بەخشیوە. ئێستا دەركەوتووە كۆركۆمین خەسڵەتی دژەئۆكسان و دژە هەوكردنی هەیە.

هەندێك توێژینەوە دەڵێن كەمی رێژەی زەهایمەر لە وڵاتانی وەكو هیندستاندا بەهۆی خواردنی وەكو زەردەچەوەیە.

چۆنێتی كاركردنی كۆركۆمین لەسەر مێشك هێشتا بە وردی نەزانراوە، بەڵام رەنگە میكانیزمەكە بریتی بێت لە كەمكردنەوەی هەوكردنی مێشك، كە دەركەوتووە پەیوەندی بەهێزی هەیە بە زەهایمەر و خەمۆكی گەورەوە.

دوایین توێژینەوە لەسەر كۆمەڵێك خۆبەخش ئەنجام درا كە تەمەنیان لەنێوان 50 بۆ 90 ساڵ بوو و هەموویان كەمێك كێشەیان هەبوو لە یادگەیاندا.
توێژینەوەكە سەلماندی خواردنی زەردەچەوە بەشێوەیەكی رۆژانە راستەوخۆ كاریگەری هەیە لەسەر چاككردنی یادگە و مەزاجی مرۆڤ.

پ: رێباز



created by Avesta Group and powered by Microsoft Azure