ڤیدیۆ: کوڕەکەی عادل ئیمام ڕوونکردنەوە لەسەر تەندروستی باوکی دەدات

دراما و سینەما :: پێش 3 هەفتە ‌ :: 3140‌ جار بینراوە
dwarozh


دواڕۆژ

هەوادارانى ئەکتەرى ناودارى میسرى (عادل ئیمام) تووشى دڵەڕاوکێ بوون بە بیستنى هەواڵى ناجێگیربوونى تەندروستى ناوبراو و دوورکەوتنەوەى لە کارە هونەری و تەواو کردنى زنجیرە دراماى (ڤالینتینۆ) کە وا چاوەڕوان دەکرا لە سەرەتاى مانگى رەمەزاندا نمایش بکرێت.


رامى ئیمام کە دەرهێنەر و کوڕى عادل ئیمامە بۆ بەرنامەى mbc تریندینگ وتى: ئەو هەواڵانەى باس لە خراپ بوونى تەندروستى باوکم دەکەن گوایە گواستراوەتەوە بۆ نەخۆشخانە، دوورن لە راستییەوە و تەندروستى باوکم زۆر باشە و ژیانى ئاسایی خۆى بەسەر دەبات.

ئەوەشى خستەڕوو، کە بەهۆى چەند کێشەیەکى تەکنیکییەوە تۆمارکردنى زنجیرە دڕاماى ڤالنتینۆ بە شێوەیەکى کاتى راگیرابوو، بەڵام لە ئێستادا هەموو ئامادەکارییەک کراوە بۆ تەواکردنى ئەو درامایە و ڕەنگە دواى مانگى رەمەزان نمایش بکرێت.

زنجیرە دراماى ڤالینتینۆ لە دەرهێنانى رامى ئیمامە و عادل ئیمام و دەلال عەبدولعەزیز-یش پاڵەوانى ئەو درامایەن و چەندین ئەستێرەى ناودارى دیکەش لەو درامایەدا رۆڵیان بینیووە، دیارترینیان دالیا ئەلبحێرى و رانیا مەحمود یاسین و حەمدى ئەلمێرغەنى و سلێمان عەبدە یە.

وە: ئاکۆ زەنگەنە

پ: پەری



created by Avesta Group and powered by Microsoft Azure