بۆیەکەم جار نابینایەک زەریای هادی دەبڕێت

هەمەڕەنگ :: پێش 4 هەفتە ‌ :: 293‌ جار بینراوە
dwarozh


تاگ :: هەمەڕەنگ

دواڕۆژ
بەپێی ڕۆژنامە یابانیەکان دەرریاوانێک توانی ببێت بەیەکەم دەریاوان کە بتوانێت بە نابینایی و  بەبەلەمێکی ئاسایی و هەوایی زەریای هادی ببڕێت، دوای گەشتێک کە چەند هەفتەیەکی خایاندووە.

 
میستو هیرو ئایواموتو، تەمەن ٥٢ ساڵ توانی بگاتە لەنگەری فۆکۆشیما، بە بەلەمێکی هەوایی کە درێژیەکەی ١٢ مەتربوو، دوای خایاندنی دوومانگ و گەشتکردنی لە کالیفۆرنیاوە.

ناوبراو لە ٢٤ شۆباتدا گەشتەکەی لە سان دییگۆی کەناراوەکانی ویلایەتی کالیفۆرنیاوە دەستپێکردوە بەرەو زەریای هادی بە هاوەڵی " دوغ سمیس" کە دەریاوانێکی ئەمریکیە  تەنها بە زارەکی هاوکاری کردوە لە گەشتەکەیدا .

ئەمە بە هەوڵی دووەمی میستو هیرو دادەنرێت، چونکە پێش ٦ ساڵ هەمان هەوڵیدا بەهۆی بەرکەوتنی بەلەمەکەی بە نەهەنگێکدا تێکشکا و نەیتوانی بەردەوام بێت.


ناوبراو لەکاتی گەڕانەوەی بۆ فۆکۆشیما و ئاهەنگی سەرکەوتنەکەیدا ووتی: سوپاس من لە وڵاتی خۆمم" دوای گەشتێک نزیکەی ١٤ هەزار کیلۆمەتری خایاند.

 میستو هیرو بۆ ئاژانسی" کیودو"ی هەواڵی یابانی ووتی: کۆڵم نەدا تا خەونەکەمم بەدی هێنا، دوایئەوەی بووم بە یەکەم کەس بەنابینایی بتوانێت بە زەریای هادیدا بپەڕێتەوە.

میستو هیرو، لەتەمەنی ١٦ ساڵیەوە چاوەکانی لەدەست داوە، ئەنجامی ئەم گەشتەیشی کۆکردنەوەی پارەبووە بۆ ئەنجامدانی کاری خێرخوازی و ئەو کەسانەی چاویان پێویستی بە چارەسەرە.

و: پەری 



created by Avesta Group and powered by Microsoft Azure