چرۆی ڕووەكێك دەتوانێت ببێتە جێگرەوەی گۆشت

هەمەڕەنگ :: 16/03/2019‌ :: 168‌ جار بینراوە
dwarozh


تاگ :: هەمەڕەنگ

دواڕۆژ

 

سەرچاوە پزیشكەكان دەڵێن چرۆی لۆبیا دەوڵەمەندە بە ڤیتامینەكانی A وB  و C  و E هەروەها ڕێژەیەكی باشی كابۆهیدرات و سۆدیۆم و پۆتاسیۆم و پڕۆتین و كالیسیۆم و مەگنیسیۆم و ئاسن و زینك و مەنگەنیز و ڕیشاڵ و فۆلیك ئەسیدی تێدایە . چرۆی لۆبیا دەتوانێت سیستمی دەماری مرۆڤ و یادەوەری بەهێز بكات.

 
خواردنی چرۆی لۆبیا ڕێگری دەكات لە توشبوون بە نەخۆشی زەهایمەر و بۆ خەڵكی بەساڵاچوو زۆر بەسودە، چرۆی لۆبیا، چونكە بڕێكی زۆر ڤیتامین B12 و ئاسن و فۆلیك ئەسیدی تێدایە چارەسەرێكی باشە بۆ كەم خوێنی، ژنانی دووگیان و خەڵكی كەم خوێن سودی زۆری لێ دەبینن.

ڕێژەی زۆری پڕۆتین لەم چرۆیەدا  ماسولكەكانی جەستە پتەو دەكات و سەرچاوەیەكی باشی وزەیە بۆیە خواردنی چرۆی لۆبیا زۆر بە كەڵكە بۆ كرێكاران و یاریزانان  بە تایبەت وەرزشكارانی بواری لەش جوانی هەروەها بۆ نەوجەوانان و بەساڵاچوانیش بەسودە.

پسپۆڕانی بواری خۆراك دەڵێن: چرۆی لۆبیا دەتوانێت ببێتە جێگرەوەی گۆشت لە ڕێجیمی خۆراكدا هەروەها بۆ خانمانی منداڵداریش بەسودە، چونكە دەبێتە هۆی زیادبوونی شیری دایك.

چرۆی لۆبیا گەلێك سودی تریشی هەیە لەوانە بەهێزكردنی سیستمی بەرهەڵستی جەستە و زیادكردنی هێزی سێكسی و ڕوونكردنەوەی خوێن و پاراستنی پێست و چەندین سودی تری تەندروستی . 

پ: پەری



created by Avesta Group and powered by Microsoft Azure