چه‌ند ڕێگه‌یه‌كی ئاسان بۆ خۆڕزگاركردن لە بیرکردنەوەی زۆر

هەمەڕەنگ :: 11/01/2019‌ :: 3383‌ جار بینراوە
dwarozh


دواڕۆژ
كاتێكی كورتی دیاریكراو دابنێ بۆ بڕیاردان له‌سه‌ر شته‌كان، ئه‌مه‌ یارمه‌تیت ده‌دات نه‌كه‌ویته‌ داوی بیركردنه‌وه‌ی زۆر كه‌ پێوست پێینییه‌، خاوه‌نی قسه‌ی خۆتبە، ئه‌مه‌ قورسترین هه‌نگاوه‌ به‌ڵام گرنگترینه‌، ئه‌گه‌ر ده‌ته‌وێت گۆڕانكاری ببینینت ده‌بێت ئه‌و گۆڕانكارییانه‌ بكه‌یت كه‌ به‌ڵێنت داوه‌ ئه‌نجامیبده‌یت.


١-پشووبده‌، پێویسته‌ بزانیت كه‌ هه‌موو شتێك له‌ ده‌سه‌ڵاتی تۆدا نییه‌ و هه‌ندێك شت هه‌یه‌ پێویسته‌ وازی لێبهێنیت و خه‌فه‌تی لێنه‌خۆیت، پلانێك بنوسه‌ له‌ ڕۆژه‌كه‌تدا جێبه‌جێی بكه‌یت، ئه‌مه‌ هه‌نگاوێكی سه‌ره‌كییه‌ بۆ به‌ره‌وپێشچوون.

٢-وه‌رزشكردن به‌ڕێگه‌یه‌كی باش داده‌نرێت بۆ چالاکردنی مێشكت و دەرکەوتنەوە لە بیرکردنەوە نه‌رێنییەکان.

٣-ڕامان یاخود ووردبوونه‌وه‌، یارمه‌تیت ده‌دات بۆ ئارامبوونه‌وه‌ و خاڵیبوونه‌وه‌ی مێشكت له‌ دڵه‌ڕاوكێی ڕۆژانه‌.

٤-هه‌ندێك كات خوێندنه‌وه‌ی كتێبێكی كاریگه‌ر یارمه‌تیت ده‌دات ئه‌رێنیانه‌ بیربكه‌یته‌وه‌ و له‌ قه‌له‌قی ڕزگارتبێت.

٥-كارێكی جیاوا بكه‌ بۆ رزگاربوون له‌و ژیانه‌ ڕۆتینییه‌ی ڕۆژانه‌.

٦-گفتوگۆ له‌گه‌ڵ یه‌كێكی شاره‌زادا بكه‌ كه‌ ڕێز له‌ بیروڕای ده‌گریت ئه‌و ده‌توانێت هاوكاریت بكات و یارمه‌تیت بدات.

٧-ده‌توانیت بۆ ماوه‌ی 20 خوله‌ك بخه‌ویت ڕۆژانه‌ پاش ئه‌نجامدانی وه‌رزشێك هه‌روه‌ها خواردنه‌وه‌یه‌كی ته‌ندروستیش كریگه‌رییه‌كی گه‌وره‌ی ده‌بێت له‌سه‌ر مێشك.

٨-ته‌نها بیر له‌ ده‌رئه‌نجام مه‌كه‌ره‌وه‌، بیركردنه‌وه‌ی به‌رده‌وام له‌ ده‌ره‌نجام ده‌بێته‌ هۆی قه‌له‌قی.

٩-ئه‌رینیبه‌، بیركردنه‌وه‌ له‌ شته‌ باشه‌كان و ئه‌رێنییه‌كانی ژیانت و پشتگوێ خستنی شته‌ نه‌رێنییه‌كان.

١٠-ڕۆژانه‌ بۆ ماوه‌ی یه‌ك خوله‌ك هه‌ناسه‌ قووڵ هه‌ڵمژه‌، بۆ خاوكردنه‌وه‌ی لێدانی دڵ و ئۆكسجینی زیاده‌ش یارمه‌تی باشتر بیركردنه‌وه‌ ده‌دات.

١١-له‌ كۆتاییدا بیرتبێ هیچ شتێك له‌ ژایاندا نایاب نییه‌ و بێكێشه‌ نییه‌ بۆیه‌ بیر له‌وه‌ مه‌كه‌ره‌وه‌ له‌ هه‌موو شتێكدا نایاب بێت به‌ڵكو هه‌وڵی ته‌واوی خۆبده‌ و له‌ هه‌ڵه‌كانته‌وه‌ فێربه‌.


و:كێوان
پێداچوونەوە: سۆران نورەدین




created by Avesta Group and powered by Microsoft Azure