ئەردۆغان: گەل داوادەکات هەڵبژاردنەکان دووبارەبکرێنەوە

هەواڵ / جیهان :: 06/05/2019‌ :: 165‌ جار بینراوە

دواڕۆژ

(ڕۆژی شەممە 4ی ئایار) دووبارە رەجەب تەیب ئەردۆغان، سەرۆک کۆماری تورکیا داوای هەڵوەشاندنەوەی هەڵبژاردنەکانی شارەوانی ئیستانبوڵی کرد کە تێیدا پارتەکەی بەرامبەر ئۆپۆزسیۆن شکستی هێنا. 


لەلێدوانێکیدا ئەردۆغان، لەسەندیکای کرێکارانی ئیستانبوڵ ڕایگەیاند: هاووڵاتییان پێمدەڵێن، پێویستە هەڵبژاردنەکان دوبارە بکرێتەوە، ئێمە نوێنەری گەلین، ویستی گەل چی بێت ئێمە بەوە قایل دەبین. 

(رۆژی دووشەممە 6ی ئایار) دووبارە لیژنەی هەڵبژاردنی باڵای تورکیا کۆدەبێتەوە بۆ پێداچوونەوەی ئەو تانانەی کە لە هەڵبژاردنەکانی شارەوانی ئیستانبوڵ دراوە لەلایەن پارتی داد و گەشەپێدانەوە.

لە هەڵبژاردنەکانی 31ی ئازاردا ژمارەیەکی زۆر لە کاندیدی حیزبی جەهەپەی ئۆپۆزسیۆن توانیان بەسەر پارتی داد و گەشەپێدانی فەرمانڕەوا سەربکەون، بەمەش سەرۆک شارەوانی شاری ئیستانبوڵ لە چنگی پارتی داد و گەشەپێدان دەرهێنرا، بەهەمان شێوە لە شاری ئەنقەرەش پارتی دەسەڵاتدار شکستی هێنا، ئەوەش بەهۆی دروستبوونی ئەو دۆخە ئابوری و سیاسییەی کە بەسەر تورکیا و بەتایبەت ئەنقەرە هاتووە. 

سەرەڕای شکستەکانی لە هەریەکە لە شارەوانییەکانی ئیستانبوڵ و ئەنقەرە، ئەردۆغان و پارتەکەی بەردەوامن لەنکوڵیکردن و داوای دووبارە ئەنجامدانەوەی هەڵبژاردن لەو دوو شارە دەکەنەوە، هەر جارە و لەژێر ناو و فشارێکی جیاوازدا ئەو داوایە دەکەن.

وەرگێران: سۆران نورەدین

بڵاوکردنەوە: چ.ع



  • ڕۆژ
  • هەفتە
  • مانگ
created by Avesta Group and powered by Microsoft Azure