ئیسرائیل 30 پێگەی حەماس و جیهادی ئیسلامی دەكاتە ئامانج

هەواڵ / جیهان :: 04/05/2019‌ :: 190‌ جار بینراوە

تاگ :: جیهان

دواڕۆژ


سوپای ئیسرائیل رایگەیاند: فڕۆكە سەربازییەكانی نزیكەی 30 پێگەی هەردوو بزوتنەوەی حەماس و جیهادی ئییسلامییان كردۆتە ئامانج لەچەند شوێنێكی جیاوازی شاری عەززە.

 

لەبەیاننامەیەكدا سوپای ئیسرائیل ئەوەشی خستۆتەڕوو: ئامانجەكانیان چەند كۆمەڵگەیەكی سەربازی حەماسی بۆردەمانكردووە لە گەڕەكەكانی حەی شوجاعیە و تەلـلولهەوا كە بەیاننامەكە پێیوایە ئەو شوێنانە بۆ مەبەساتی سەربازی و چەك دروستكردن بەكارهێنراون.

 

هاوكات فڕۆكە سەربازییەكانی ئیسرائیل چەند هێرشێكیان كردۆتە سەر ژمارەیەك كۆمەڵگەی سەربازیی بزوتنەوەی جیهادی ئیسلامی لە گەڕەكەكانی دێر لبەلەح و تەل سوڵتان و كەناراوی خانیونس.

 

بۆردوومانی فڕۆكە سەربازییەكانی ئیسرائیل ژمارەیەك سەكۆی موشەكیی جیهادی كردۆتە ئامانج كە لێیانەوە موشەكبارانی ئیسرائیلیان پێكراوە.

 

ئەمڕۆ شەممە 5ی نیسان زەنگی ئاگاداركردنەوە لە هەریەك لە شارەكانی تەلئەبیب و ئوسدود و عەسقەلان لێدرا و حكومەتی ئیسرائیل رایگەیاند: گومەزە فەڵغانەكەیان بۆتە بەربەست بۆ زیاتر لە 100 موشەكی فەڵەستینی كە ئاڕاستەی ئیسرائیل كراون.

 

ئا: ئارام غەفور 

بڵاوکردنەوە: ک. س



created by Avesta Group and powered by Microsoft Azure