بڕیارێكی نوێ بۆ منداڵبوون لە سلێمانی دەردەکرێت

هەواڵ / کوردستان :: 02/05/2019‌ :: 23157‌ جار بینراوە

دواڕۆژ، پشتیوان جەمال

بەڕێوەبەرایەتی گشتی تەندروستی سلێمانی بەمەرج رێگە بەژنان دەدات بە نەشتەرگەری منداڵیان ببێت.


د. یاد نەقشبەندی، وتەبێژی بەڕێوەبەرایەتی گشتی تەندروستی سلێمانی ئەمڕۆ (2ی ئایاری 2019) بەدواڕۆژی راگەیاند: لەم ماوەیەی رابردوودا د. سەباح هەورامی، بەڕێوەبەری گشتی تەندروستی سلێمانی لەگەڵ نەخۆشخانە ئەهلییەكان كۆبۆتەوە و یەكێك لەتەوەرەكانیش چۆنیەتی منداڵبوونە بەشێوەی نەشتەرگەری.

ناوبراو روونیكردەوە: لەسەر پێشنیازی د. سەباح هەورامی، لەمەودوا لەنەخۆشخانەی منداڵبوون لیژنەی زانستی بۆ چۆنیەتی لەدایكبوونی منداڵ دروستدەكرێت و ئەو لیژنەیە بڕیار دەدات منداڵەكە پێویستی بەمنداڵبوونی سروشتییە یان نەشتەرگەری.

د. یاد ئاماژەی بەوەكرد: كە لیژنەكە بڕیاریدا ئەو منداڵە بەسروشتی لەدایكببێت، هیچ پزیشكێك كە لەسنووری تەندروستی سلێمانی و سەندیكای پزیشكان بێت، بۆی نییە بەنەشتەرگەری پڕۆسەی لەدایكبوونی منداڵەكە ئەنجامبدات.

وتیشی: "نابێت نەخۆش ببرێتە نەخۆشخانەی تایبەتیش، تەنانەت ئەگەر دایكەكەش بیەوێت بڕواتە نەخۆشخانەی تایبەت، بەڵام ئەگەر لیژنەكە بڕیاریدا ئەو منداڵە بەنەشتەرگەری لەدایك ببێت، لەو كاتەدا ژنەكە ئازادە بڕواتە نەخۆشخانەی تایبەت.

پێداچوونەوە: ئارام غەفور 

بڵاوکردنەوە: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure