گەنجێک بە تەزووی کارەبا گیانی لەدەستدا

هەواڵ / کوردستان :: 02/05/2019‌ :: 1002‌ جار بینراوە

دواڕۆژ

(ئەمڕۆ 2ی ئایاری 2019) بەڕێوەبەرایەتی پۆلیسی راپەڕین گیانلەدەستدانی هاووڵاتییەکی بەهۆی تەزووی کارەباوە راگەیاند.

لە راگەیەنراوێکی پۆلیسدا هاتووە "کاتژمێر 8ی بەیانی ئەمڕۆ لە ناحیەی چوارقوڕنەی سەر بە قەزای رانیە، هاووڵاتیەکی تەمەن 29 ساڵ لەڕەگەزی نێر بە ناوی (د.م.ب) پیشەی کاسب. لەکاتی کارکردن لە دوکانەکەی لە ناحیەی چوارقوڕنە بەهۆی تەزوی کارەباوە گیانی لەدەستدا".

باس لەوەشکراوە: دوای ئەوەی رێکاری یاسایی گیرایەبەر، تەرمی ناوبراو بەڕێکرا بۆ پزیشکی دادوەری رانیە و دوای ئەنجامدانی توێکاری بۆ تەرمەکەی، ڕادەستی کەسوکاری کرایەوە.

ئاماژە بەوەشکراوە: مەلەفی لێکۆڵینەوە بۆ رووداوەکە کرایەوە و لێکۆڵینەوە لەڕووداوەکە بەردەوامە.

پ: چ.ع

بڵاوکردنەوە: ئیحسانی مەلا فوئاد



created by Avesta Group and powered by Microsoft Azure