گەردەلوول 65 کەسی لە کەربەلا کردە قوربانی

هەواڵ / عێراق :: 29/04/2019‌ :: 2047‌ جار بینراوە

تاگ :: عێراق

دواڕۆژ، بەغدا

میدیا عێراقییەکان (ئێوارەی ئەمڕۆ دووشەممە 29ی نیسانی 2019) بڵاویانکردەوە: بەهۆی گەردەلوولێکی بەهێزەوە لە پارێزگای کەربەلا، چوار کەس گیانیان لەدەستداوە و 61 کەسیش برینداربوون.

بەپێی سەرچاوە تەندروستییەکان لە پارێزگای کەربەلا گەردەلوولێکی بەهێز ئەم ئێوارەیە بووەتە هۆی گیان لەدەستدانی چوار کەس و برینداربوونی 61 کەسی دیکە کە بەهۆی برینەکانیانەوە گەیەنراونەتە نەخۆشخانەکانی پارێزگاکە.

هاوکات شایەتحاڵێکی دانیشووی پارێزگاکە بەدواڕۆژی وت: "گەردەلوولەکە کاتژمێر شەشی ئێوارە دەستیپێکردووە و زیاتر لە یەک کاتژمێری خایاندووە، جگە لە زیانی گیانی کە هێشتا بەتەواوی نازانرێت، زیانێکی گەورەی ماڵیشی بە هاووڵاتیان گەیاندووە".

پ: ن.ر
بڵاوکردنەوە: ک. س



  • ڕۆژ
  • هەفتە
  • مانگ
created by Avesta Group and powered by Microsoft Azure