دەست بەچاككردنەوەی شەقامەكانی سلێمانی كراوە

هەواڵ / کوردستان :: 27/04/2019‌ :: 393‌ جار بینراوە
وێنە.. ئەرشیفی دواڕۆژ

تاگ :: سلێمانى

دواڕۆژ، پشتیوان جەمال


شارەوانی سلێمانی دەستی بەچاككردنەوەی شەقامەكان كردووە و پڕۆژەكەش بە سێ قۆناغ جێبەجێدەكرێت.

سەردەشت رەفیق، بەڕێوەبەری راگەیاندنی سەرۆكایەتی شارەوانی سلێمانی ئەمڕۆ 27ی نیسانی 2019 بەدواڕۆژی راگەیاند: ماوەی دوو هەفتەیە تیمەكانیان دەستیان بەچاككردنەوەی شەقامەكان كردووە.

وتیشی: "سەرەتا لەشەقامی شەست مەتری و پاشان شەقامی سی مەتری و دواتر بۆ شەقام و كۆڵانەكان، پڕۆسەکە دەستپێدەکات کە ساڵانە تا مانگی كانوونی یەكەم بەردەوامدەبێت".

چاككردنەوەی شەقامەكانی سلێمانی یەكێكە لەو گرفتانەی رووبەڕووی شۆفێران و هاوڵاتیان بۆتەوە لەبەرئەوەی بەشێكی زۆر لە شەقامەكان چاڵ و تاسەیان تێدایە و زیان بە ئۆتۆمبێل دەگەیەنن و زۆرجاریش رووداوی هاتووچۆی لێدەكەوێتەوە.

پێداچوونەوە: ئارام غەفور

بڵآوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure