زانیاری دەربارەی پشتیوانیکردنی ئیخوانەکان لە ئیستانبوڵەوە ئاشکرادەکرێت

هەواڵ / جیهان :: 23/04/2019‌ :: 167‌ جار بینراوە

دواڕۆژ

ئەمروڵا ئۆسلو، نوسەر و ئەکادیمی تورکی شیکردنەوەیەکی بۆ خواست و پێداگری ئاکەپە کردوە کە دەیەوێت ئیستانبوڵ لەدەستنەدات.


دەڵێت: "ئەم شارە بۆ پرۆژەی ئیخوان موسلیمین گرنگترینە کە رەجەب تەیب ئەردۆغان خۆی بەشێکە لەو پرۆژەیە".

باسی لەوەشکردوە: کە رژێمی تورکیا بە سەرۆکایەتی رەجەب تەیب ئەردۆغان، سەرچاوە و داراییە زەبەلاحەکەی شارەوانی ئیستانبوڵی بەکارهێناوە بۆ پارەدارکردنی پرۆژە و کارە نهێنی و قێزەونەکانی لە رۆژهەڵاتی ناوەڕاست و بەلقان و قەوقاز.
 
ململانێی ئاکەپە و جەهەپە لەسەر شارەوانی ئیستانبوڵ درێژەی هەیە, ئەمەش لەکاتێکدایە ئەکرەم ئیمام ئۆغڵو، سەرۆکی شارەوانی نوێی ئیستانبوڵ یەکەم کۆبونەوەی جەماوەری لەو شارەدا ئەنجامداوە، لەولاشەوە حیزبەکەی ئەردۆغان سکاڵای لەسەر هەڵبژاردنەکەی ئیستانبوڵ تۆمارکردوەو داوای ئەنجامدانەوەی هەڵبژاردن دەکات.

ئەم نوسەرە ئاماژەی بەوەشداوە: کە لەدەستدانی ئیستانبوڵ بۆ ئاکەپە قورسییەکەی لەوەدایە کە ئیدی پارەدارکردنی گروپە ئیسلامییە رادیکاڵییەکان دەوەستێت و پارەی سەرکردەکانی ئیخوان و راگەیاندنەکانیشیان دەبڕدرێت.

ئەوەشی خستوەتەڕوو: کە هەواڵگری تورکیا سەرکردە بیانییەکانی گروپە ئیسلامیی و جیهادییەکان بانگهێشت دەکات و لەسەر پارەی شارەوانی ئیستانبوڵ ئەو خەرجییە دەکات، بەتایبەت بۆ سەرکردەکانی ئیخوان موسلیمین و ئۆپۆزسیۆنی سوری و گروپە جیهدییەکانی لیبیا. 

ئا: چ. ع

بڵاوکردنەوە: ئیحسانی مەلا فوئاد



  • ڕۆژ
  • هەفتە
  • مانگ
created by Avesta Group and powered by Microsoft Azure